MEK-in əməkdaşları tərəfindən Vikipediyada tarixi mövzuda yeni məqalələrlə zənginləşdirilir

07-10-2020 / 16:19

İşğalçı Ermənistanın Azərbaycana qarşı apardığı genişmiqyaslı hərbi təxribatlarının, döyüş aktivliyinin qarşısını almaq, mülki əhalinin təhlükəsizliyini təmin etmək məqsədilə 27 sentyabr 2020-ci il səhər saat 6 radələrində Ali Baş Komandan İlham Əliyevin əmri ilə Azərbaycan Ordusunun komandanlığı tərəfindən qoşunlarımızın bütün cəbhə boyu əks-hücum əməliyyatının başlaması barədə qərar verilib. Dövlətimiz ərazi bütövlüyünün bərpası, torpaqlarımızın işğalçılardan və muzdlu terrorçulardan təmizlənməsi uğrunda mübarizə aparır. Azərbaycan Respublikasının Prezidenti, Silahlı Qüvvələrin Ali Baş Komandanı cənab İlham Əliyevin imzaladığı müvafiq Fərman ilə ölkədə 28 sentyabrdan hərbi vəziyyət rejimi qüvvəyə minib. İgid zabitlərimizin, əsgərlərimizin, qəhrəman oğullarımızın cəbhə boyunca qazandığı uğurlar hər birimizi sevindirir. Statusundan, kimliyindən və siyasi mövqeyindən asılı olmayaraq hamımız Ali Baş Komandanımızın, ordumuzun yanındayıq və qələbəni yaxınlaşdırmaq üçün əlimizdən gələni etməyə hazırıq. Bildiyimiz kimi, ictimai rəyin formalaşmasına, dövlətin imicinə medianın böyük təsiri var. Son zamanlar Ermənistanla həm də informasiya müharibəsi fonunda bu məsələ xüsusilə aktualdır. Erməni yalanının qarşısını almaq, həqiqətləri beynəlxalq ictimaiyyətin diqqətinə çatdırmaq üçün bütün imkanları səfərbər etmək lazımdır. Bu baxımdan ictimai fəalların fikirləri, gördüyü işlər çox əhəmiyyətlidir.

Azərbaycan Milli Elmlər Akademiyasının (AMEA) Mərkəzi Elmi Kitabxanasının (MEK) etibarlı informasiya istehsalçısına çevrilməsi, Azərbaycan haqqında obyektiv, operativ, xalqımızın milli-mənəvi dəyərləri, tarixi həqiqətləri, tanınmış şəxsləri haqqında dəyərli və dolğun informasiyanın yaradılması, saxlanılması baxımından mühüm əhəmiyyət kəsb edir. Eyni zamanda bu məlumatların "Vikipediya" ensiklopediyasına daxil edilməsi, etibarlı istinad yeri olan informasiya kontentlərinin yaradılması, qlobal informasiya resurslarında Azərbaycan Respublikası ilə əlaqədar məlumatların inkişaf etdirilməsi, milli maraqlarının qorunması MEK-in Sərbəst Elektron Resursları (SER) şöbəsinin əsas məqsədlərindən biridir. Şöbənin müdiri Reyhan Əhmədovanın verdiyi məlumata əsasən, müxtəlif mövzularda işçilər tərəfindən ay ərzində 200-dən artıq məqalə hazırlanaraq, virtual ensiklopediyaya yerləşdirilir. Son bir ay ərzində Vikipediyada sektor müdiri Rəcəb Həsənbəyov 31, sektor müdiri Qulamhüseyn Məmmədov 30, Rövşən Məmmədli 17, Nuray Tanrıverdiyeva 198, Gülarə Səbzəliyeva 5, Səbinə Abizadə 14, Xəyalə Məmmədova 24 məqalə yaradıb. Məqalələrdən bir neçəsini seçərək bu gün üçün daha aktual olanları nəzərinizə çatdırmaq istərdik:

Azərbaycanın Dağlıq Qarabağ bölgəsinin Xankəndi şəhərində 1988-ci ilin sentyabrın 18-də yerli azərbaycanlı əhaliyə qarşı törədilmiş kütləvi talanlar və poqrom aktı haqqında Xankəndi talanları və ya Xankəndi poqromları https://az.wikipedia.org/wiki/Xank%C9%99ndi_talanlar%C4%B1

Horadiz - Azərbaycan Respublikasının Füzuli rayonunun Horadiz kənd inzibati ərazi dairəsində kəndi https://az.wikipedia.org/wiki/Horadiz_%28k%C9%99nd%29

Başlıbel faciəsi və ya Başlıbel qırğını — Kəlbəcər rayonunun işğalı zamanı ermənilər tərəfindən azərbaycanlılara qarşı törədilmiş qırğın https://az.wikipedia.org/wiki/Ba%C5%9Fl%C4%B1bel_faci%C9%99si

Abxaziyada müharibə (1992-1993) https://az.wikipedia.org/wiki/Abxaziyada_m%C3%BCharib%C9%99_%281992-1993%29
İngilisdilli vikipediyada Əliyar Əliyev, Səfiyar Behbudov, Şikar Şikarov, Raquf Orucov, Fərid Əhmədov, Ruslan Muradov və digər azərbaycanlı qəhrəmanlar haqqında məqalələr yaradılaraq yerləşdirilib. Ukrayna, ispan, çex və gürcü dillərində olan "Vikipediya”larda Təbriz Xəlilbəyli, Şövqiyar Abdullayev, Nofəl Quliyev, Valeh Müslümov və Məhərrəm Seyidov kimi milli qəhrəmanlarımızın həyatı və keçdikləri döyüş yolu barədə ətraflı məlumat verilir.

Onu da qeyd edək ki, kitabxananın SER şöbəsinin işçiləri məqalə yaratmaqla yanaşı, online formada AMEA-nın institutları, dövlət qurumları və müxtəlif orqanların işçiləri üçün təlimlərin keçirilməsini də davam etdirirlər.


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.