Məktəblərə müasir texniki avadanlıqlar verilib

11-09-2015 / 20:50

Göyçay rayonunda məktəblər müasir texniki avadanlıqlarla təmin olunub.

Xeberler.az-ın məlumatına görə, rayon təhsil şöbəsinin müdiri Rəşad Məmmədov 2014-2015-ci dərs ilinin yekunları və qarşıda duran vəzifələrdən danışarkən bildirib ki, yeni dərs ilinə hazırlıqla əlaqədar lazımi işlər görülüb.

Rayondakı 40 tam orta, 13 ümumi orta və 4 ibtidai məktəbin hər birində cari təmir işləri aparılıb, maddi-texniki baza daha da gücləndirilib, yeni dərsliklər gətirilib. Bundan əlavə, yeni dərs ili ərəfəsində məktəblərin müasir texniki avadanlıqlarla təmin edilməsi diqqətdə saxlanılıb.

O bildirib ki, Göyçayın orta ümumtəhsil müəssisələrində tədrisin keyfiyyətinin yüksəldilməsinə xüsusi önəm verilir. Ötən dərs ilində təhsil ocaqlarının maddi-texniki bazasının möhkəmləndirilməsi ilə yanaşı, tədris prosesində əsas diqqət yeni təlim texnologiyalarının və təlim üsullarının tətbiqinə, fənn kurikulumlarının tələblərinə uyğun müəllim kadrlarının hazırlanmasına, şagirdlərin fiziki və intellektual inkişafına, sağlam həyat tərzinə və sivil dəyərlərə əsaslanan vətəndaş təfəkkürünün formalaşmasına yönəldilib.

Xeberler.az


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə