Məktəblilər Robototexnika kurslarına cəlb olunur

04-09-2019 / 10:21
Xeberler.az bildirir ki, Bakı şəhəri, Xəzər rayonu, Zirə qəsəbəsi N.Yaqubov adına 120 saylı tam orta məktəbin müəllimi Gülnaz Zeynalovanın verdiyi məlumata görə, Təhsil Nazirliyinin "Təhsildə inkişaf və innovasiyalar üzrə 3-cü qrant müsabiqəsi” çərçivəsində "Robototexnika” laboratoriyasının yaradılması” layihəsi icra edilir.
 
Layihə rəhbəri Gülnaz Zeynalovanın sözlərinə görə, layihə 4 ay davam edəcək: "Şəhərətrafı qəsəbələrdə yaşadığından robototexnikaya marağı olan istedadlı şagirdlər xeyli əziyyət çəkirdi. Onlar müvafiq bilgilər əldə etmək üçün həftədə azı 2-3 dəfə paytaxtın mərkəzində bununla bağlı təşkil olunan kurslara qatılırdı. Bu isə şagirdlərin əlavə maddi xərc çəkməsi ilə yanaşı, həm də gün ərzində azı 3-4 saat yolda vaxt itirmələrinə səbəb olurdu. Zirə qəsəbəsi N.Yaqubov adına 120 saylı tam orta məktəbdə "Robototexnika”  laboratoriyasının yaradılması və pulsuz kursların keçirilməsi bu sahədə şagirdlərə dəstək olacaq. Hazırda hazırlıq mərhələsi icra olunan layihə çərçivəsində "Robototexnika”  laboratoriyasının yaradılması ilə yanaşı şagirdlərə ödənişsiz kurslar da keçiriləcək. İndiyədək məktəbdə "Robototexnika”  laboratoriyasının qurulması üçün ayrılan otaq təmir edilərək bu sahəyə uyğunlaşdırılıb. Legoların alınması üçün ixtisaslaşmış şirkətlə danışıqlar aparılıb və yaxın günlərdə legolar məktəbə gətirilərək təhvil veriləcək.  Həmçinin, kurslarda iştirak etmək istəyən şagirdlərdən istək məktubları toplanılır. İstək məktublarının alınmasında məqsəd şagirdlərin bu sahəyə nə dərəcədə maraqlı olduqlarını və gələcəkdə özlərini bu sahədə necə reallaşdırmaq istədikləri ilə bağlı onlar barədə ilkin təəssürata malik olmaqdır. Daha sonra müraciət edənlər arasından 24 nəfər istedadlı şagird seçiləcək. Növbəti mərhələdə informatikaya, robototexnikaya marağı olan şagirdlər üçün məşğələlərə  başlanılacaq. Kurslar hər biri 12 nəfər olmaqla iki qrupda (Cəmi 24 nəfər) aparılacaq.  Dərslər həftədə 2 dəfə olmaqla 2 dərs saatı müddətində keçiriləcək". 

ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.