STARTAP AZƏRBAYCAN

“AİESEC Azərbaycan” ın  gənclər üçün təşkil etdiyi “Nar Mobile”-ın baş sponsoru olduğu Startap Festivalı baş tutub.

Xəbərlər.az-ın məlumatına görə, tədbirin məqsədi biznesə marağı olan gəncləri və iş adamlarını bir araya toplamaq idi. 18-30 yaş arasındakı iştirakçılar istedadlı Azərbaycan gəncləri, dünya biznesi və yerli bazarın uğur qazanmış iş adamları arasından seçildi. 

AIESEC gənclərin liderlik potensialını aşkar və inkişaf etdirmək məqsədilə yaradılan təşkilatdır. 124 ölkədə fəaliyyət göstərən və dünya üzrə 1 milyondan çox üzvü olan AIESEC planetin ən böyük gənclər təşkilatıdır.  

Qeyd edək ki, layihənin əsas məqsədi Azərbaycanda Startap və biznes inkişafını təmin etmək üçün gəncləri yeni iş ideyaları yaratmağa təşviq etmək və gənc sahibkarlar və sahibkarlıqla maraqlanan tələbələr üçün yeni imkanlar yaratmaq idi. Dünyaca məşhur şirkətlərin nümayəndələri xüsusi olaraq bu tədbir üçün Azərbaycana gəldilər. Çıxışçılar arasında “Google UK” şirkəti “Youtube” strateji departamentinin icraçı tərəfdaşı Cavid Aslanov, “Sweetriot” şirkətinin təsisçisi və rəhbəri Sara Endlayn, “Dey Dos Popcorn Academy”-nin təsisçisi və rəhbəri Dey Dos, “RED Communications” və “Maxmedia Creative Communications”-ın icraçı tərəfdaşı Tatyana Mikayılova, “Scoala De Valor” şirkətinin rəhbəri Stefan Palari və “Ali & Nino” kitab mağazaları şəbəkəsinin təsisçisi və icraçı direktoru Nigar Köçərlinin adlarını çəkmək olar. 

Sevinc Çəltikova