“Meta” şirkəti ilk AR eynəklərini satışa çıxardacağı tarixi açıqladı

15-04-2022 / 20:07

Verilmiş məlumata əsasən, “Meta” şirkəti öz ilk AR (Artırılmış Reallıq) eynəklərini 2024-cü ilin sonuna kimi satışa çıxardacaq.

Xeberler.az məlumat verir ki, bu barədə məlumatı The Verge saytı məsələ ilə yaxından əlaqəli olan şəxslərə istinadən verib. Məlumatda qeyd edilib ki, 2024-cü ildə şirkətin Project Nazare adlı ilk AR eynəyi satışa çıxacaq. Həmin eynək heç bir smartfondan və ya kompüterdən asılı olmayaraq müstəqil şəkildə çalışa biləcək. Bundan əlavə, Mark Zuckerberg sözügedən AR eynəyin Hypernova adlı bir qədər sadələşdirilmiş versiyasını da satışa çıxartmağı planlaşdırır.

    Sadələşdirilmiş AR eynək modeli isə smartfon ilə birlikdə çalışacaq. Həmin eynək smartfondakı mesajları və digər məlumatları əks etdirə biləcək. Bununla yanaşı şirkətin planları artıq bir neçə il üçün hazırdır. Belə ki, şirkət AR eynəyin ikinci versiyasını 2026-cı ildə, üçüncü versiyasını isə 2028-ci ildə satışa çıxartmağı planlaşdırır. Zuckerberg ilə yaxından əlaqəli olan şəxslərin verdikləri məlumata əsasən, o öz cihazını İT sahədə innovasiya kimi təqdim etməyi hədəfləyib.


ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.