Google yeni AR eynəyini təqdim edib (VİDEO)

12-05-2022 / 23:24

Google I / O 2022 konfransında yeni innovativ cihazını təqdim edib. Söhbət, xüsusi AR eynəkdən gedir.

Xeberler.az bildirir ki, yeni təqdim edilmiş AR eynəkləri 2011-ci ildə təqdim edilən “Google Glass”dan fərqlənir. Belə ki, yeni AR eynəkləri adi eynəklərə bənzəsə də, o, insanlar arasında ünsiyyətdə yaranan maneəni aradan qaldırmağa kömək edir. Söhbət dildən gedir. Məsələ burasındadır ki, sözügedən eynəkdən istifadə edən şəxs üçün həmin eynək real zaman ərzində digər şəxsin ünsiyyətdə istifadə etdiyi xarici dili tərcümə edərək altyazı formatında təqdim edir. Bu da öz növbəsində iki insanın bir-birini anlamasına imkan verir. Şirkət tərəfindən təqdim edilən bu videoda AR eynəklərinin imkanları göstərilib. Həmin videoda Google əməkdaşı başqa dillərdə danışan insanlarla ünsiyyət qurmağa çalışır və ingiliscə danışır.

Eynəklər öz növbəsində ingilis dilini digər şəxslərin ana dillərinə tərcümə edərək subtitrlər təqdim edir. Şirkətin təqdim etdiyi videodan da görünür ki, Google-un yeni AR eynəkləri işarə dilini altyazı formatında təqdim edə bilir. Qeyd edək ki, bütün bu imkanlar artıq smartfonlarda mövcud olsalar da, Google şirkətinin fikrincə artırılmış reallığın istifadəsi ünsiyyət üçün daha rahat və təbii üsuldur. Yeni AR eynəklərinin istehsalının hansı mərhələdə olduğu məlum deyil. Sözügedən eynəyin texniki xüsusiyyətləri barədə məlumat verilməyib. Bu eynəklərin satışa çıxarılıb-çıxmayacağı da məlum deyil. İstisna deyil ki, bu cihaz sadəcə prototip rolunu oynayır və Google şirkətinin texnologiyasını nümayiş etdirmək üçün hazırlanıb.

Fidan Ali

https://youtu.be/SQd394a4qEo


ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.