Xüsusi eynək tələb olunmayan 3D-təsvirli MK-panel nümayiş etdirilib

08-11-2010 / 23:04

Yeni nəsil displeylər həm 2D, həm də 3D rejimlərdə işləyəcək

Yaponiyada ekrana nisbətən müəyyən təsvir bucağından baxılması tələb olunmayan dünyada ilk irihəcmli 3D-videopanel nümayiş etdirilib. Xeberler.az-ın Rabitə və İnformasiya Texnologiyaları Nazirliyinin rəsmi saytına istinadən verdiyi məlumata görə, yeni işləmənin tərtibatçısı AUO (AU Optronic) şirkəti müvafiq texnologiyanı 15,6 düymlü noutbuk və 10 düymlü planşet kompüterlər üçün ekranların istehsalında tətbiq etməyi planlaşdırır.

Panellər istifadəçinin göz almasının duruş vəziyyətinin izlənilməsi funksiyası ilə təchiz olunub ki, belə vəziyyətdə sistem baxışın istiqamətini müəyyən edə biləcək. Yeni nəsil displeylər həm 2D, həm də 3D rejimlərdə işləyəcək. Bu zaman rejimlərarası keçid istifadəçi tərəfindən asan həyata keçiriləcək.

Şirkətin proqnozlarına əsasən, bu texnologiya ilə təchiz edilmiş qurğular 2011-ci ilin ikinci rübündə kütləvi istehsala buraxıla bilər.

Xatırladaq ki, bundan əvvəl “Rockchip” şirkəti xüsusi eynək tələb etməyən 3D-ekranla təchiz edilmiş planşet kompüterin işlək prototipini təqdim edib. 2D və 3D rejimlərdə eyni zamanda işləmək imkanına malik “Supernova X1” qurğusunda rejimlərarası keçid funksiyası da mövcuddur. Kontentə baxmaq üçün eynək tələb olunmayan 3D-televizor “Toshiba” şirkəti tərəfindən nümayiş etdirilib.


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.