“MSN Weather portalında yerləşdirilmiş məlumat səhv olub və ən qısa müddətdə həmin səhv aradan qaldırılacaq,Microsoft korporasiyası Azərbaycanın ərazi bütövlüyünü tanıyır”.-Bu haqda “Microsoft”un yaydığı rəsmi bəyanatda deyilir.
Bəyanatda bildirilib ki, “Microsoft” korporasiyası nəzərə alır ki, dünyada coğrafiyaya müxtəlif, bəzən də, ziddiyyətli yanaşmalar olur: “Bununla belə, şirkət coğrafi xarakter daşıyan məhsulları təqdim edərkən beynəlxalq ictimaiyyət, habelə müstəqil akademik və tədqiqat təşkilatlarının təcrübəsini və fikrini nəzərə alır.
Hazırda şirkət Azərbaycanın ayrılmaz hissəsi olan Dağlıq Qarabağ haqqında qəbul olunmuş ümumdünya konsensusunu əks etdirmək üçün öz məlumatlarında düzəliş edir. Ümumiyyətlə, “Microsoft” şirkəti özünün bütün kartoqrafik məlumatlarını yenilətməkdədir, və bu proses bitdikdən sonra Azərbaycan Respublikasının Bing Maps-daki xəritəsi bütün lazımi dəyişiklikləri daxil edəcək”.
Korporasiya qeyd edib ki, MSN Weather portalında yerləşdirilmiş məlumata gəldikdə isə burada səhv olub və ən qısa müddət ərzində həmin səhv aradan qaldırılacaq. Encarta Maps isə yeniləşməyəcək, çünki Encarta məhsulları artıq istehsaldan çıxarılıb.
Qeyd edək ki, bir müddət öncə “Microsoft”a aid MSN Weather portalında Azərbaycanın ərazi bütövlüyünün şübhə altına alınması ilə bağlı məlumat yayılmışdı. Azərbaycan Xarici İşlər Nazirliyi isə məsələni araşdırılacağını bəyan etmişdi.
Televiziyaların reytinqini kim ölçür, necə ölçür və nəticələr ağlabatan olacaqmı?
Nazirlik inkubasiya mərkəzlərini niyə topladı? –Şərh
Windows 10-u necə sürətləndirmək olar?
Bizi idarə edən güc: Netokratiya
Tor: şəbəkənin nəzarətindən azad olmaq imkanı
Facebook müəmması
4G mobil texnologiyası niyə ləngiyir?
Rəqəmli yayım: mərkəzdən kənarda yaşayanlar nə etsin?
“Asan imzanı belə gördüm”- Azər Həsrət
Azərbaycanda e-hökumətin inkişafinda yeni sosial tələbləri nəzərə alan xidmətlərin genişləndirilməsi perspektivləri