“Müəllimlər üçün sosial servislər” kitabının Təqdimatı keçirilib

07-12-2012 / 16:59
Bu gün Akademik Zərifə Əliyeva  adına Məktəbdə Multimedia Mərkəzi tərəfindən “Müəllimlər üçün sosial servislər” kitabının təqdimat mərasimi keçirilib.
Kitabın müəllifləri Multimedia Mərkəzinin direktoru, AİF -in prezidenti Osman Gündüz və Təhsil Nazirliyi Təhsil Sisteminin İnformasiyalaşdırılması idarəsinin şöbə müdiri Ramil Süleymanovdur.

Multimedia Mərkəzinin nəşr etdiyi bu kitab informasiya texnologiyalarından, xüsusilə də sosial media alətlərindən istifadə etməklə tədris prosesini daha effektiv qurmaq istəyən müəllimlər üçün nəzərdə tutulub.
Kitabın müəllifləri Osman Gündüz və Ramil Süleymanov Təqdimat mərasimində  çıxış edərək kitab haqqında, onun yazılması səbəbləri və məzmunu haqqında məlumat veriblər.

Təqdimat mərasimində müxtəlif təhsil müəssisələrinin rəhbərləri, müxtəlif fənn müəllimləri, pedaqoqlar və  ictimai qurumalrın təmsilçiləri çıxış edərək informasiya texnologiyaalrının tədrs prosesinə inteqrasiyası sahəsində, social servilərin tərdis prosesinə təbiqi sahəsində kitabın mühüm əhəmiyyət kəsb etdiyini bildiriblər.
Həmçinin kitaba daxil edilən “Uşaqların informasiya təhlükəsizliyinin qorunması üçün tədbirlər” və “Təhsil üçün faydalı İnternet resurslar” adlı əlavə bölmələrin də müəllimlər və valideynlər üçün əhəmiyyətli və faydalı olacağı diqqətə çatdırılıb.

Təqdimat mərasimi Təhsil Nazirliyinin Təhsil Sisteminin İnformasiyalaşdırılması idarəsi ilə əməkdaşlıq şəraitində keçirilib.

Kitaba Təhsil Nazirliyi tərəfindən metodiki tədris vəsaiti  qrifi verilib.

Kitab IREX-Media qurumunun dəstəyi ilə həyata keçirilən “İnternet texnologiyalarından və sosial servislərdən təhsil məqsədləri üçün effektiv istifadə mexanizmlərinin yaradılması” Layihəsi çərçivəsində hazırlanıb və çap olunub.

ŞƏRHLƏR


OXŞAR XƏBƏRLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.