İKT VƏ SEÇKİ

Məlum olduğu kimi, Milli Məclisə seçkilər 2015-ci il noyabrın 1-nə təyin edilib. Artıq ölkədə seçki prosesi başlayıb.

Bu gündən namizədliyi təsdiq edilmiş şəxslər seçkilərlə bağlı təbliğat-təşviqat işlərinə başlayıb.

Xeberler.az-ın məlumatına görə, artıq deputatlığa namizədliyi təsdiq olunmuş şəxslər sosial medianın imkanlarından istifadə etməyə başlayıb.

Namizədlər öz Facebook və digər sosial media hesablarından effektiv istifadə edərək təbliğat işlərinə başlayıblar.

Bəzi deputatlığa namizədlər seçiciləri ilə daha çox və yaxın ünsiyyət qurmaq , onlara seçki platformalarını təqdim etmək üçün sosial mediada rəsmi səhifələr açıblar.

42 saylı Sumqayıt ikinci seçki dairəsindən namizədliyi qeydə alınan Tahir Mirkişili də seçkilərlə bağlı özünə rəsmi Facebook səhifəsi açıb.

O, səhifədə ictimaiyyətə çağırış edərək bildirib ki, seçkilərlə ilə bağlı bütün təbliğat materiallarını bu səhifə üzərindən paylaşacaq.

Millət vəkili Bahar Muradova, Fuad Muradov,  Azay  Quliyev,  43 saylı Sumqayıt üçüncü dairədən namizədliyi təsdiq edilən Eyvaz Qocayev , 16 saylı Yasamal ikinci seçki dairəsindən Elşən Həsənov  ,21 sayli Nəsimi rayonu birinci seçki dairəsindən Günel Səfərova, 17 saylı Yasamal rayon 3-cü seçki dairəsindən namizəd İlhamiyyə Rzayeva ,  23 saylı Nəsimi-Səbail seçki dairəsindən Azər Qasımlı ,19 saylı Nərimanov birinci seçki dairəsindən Yeni Azərbaycan Partiyası tərəfindən namizədliyi irəli sürülmüş Məmmədov Hikmət Baba oğlu,  Həcər Abbaslı , 123 saylı Kəlbəcər  seçki dairəsindən namizəd Ramiz Əliyev , tanınmış jurnalist Taleh Şahsuvarlı , 32 saylı Suraxanı üçüncü seçki dairəsindən Mehriban Zeynalova ,8 saylı Binəqədi birinci seçki dairəsindən namizəd Aysel Əlizadə və digər namizədlər öz rəsmi Facebook səhifələrindən artıq aktiv fəaliyyətə başlayıblar.

Qeyd edək ki, bəzi partiyaların da seçkilərlə bağlı yeni saytları fəaliyyətə başladı.

 Bundan əlavə, müxtəlif saylı seçki məntəqələrinin də Facebookda rəsmi səhifəsi yaradılıb. Həmçinin digər seçki qrupları da aktivlik göstərir. Qeyd edək ki, Facebook-da “Yap Parlament 2015” qrupunun 10 min, “Parlament Seçkiləri 2015” qrupunun 5 min üzvü var.

Bu gündən oxucularımız Xeberler.az saytındakı “Virtual səsvermə” sisteminə daxil olaraq uyğun dairəni seçərək dəstəklədikləri namizədə səs verə bilərlər.

Məltəm Talıbzadə