MOBİL RABİTƏ

Nar Home DVB-T2 texnologiyası (Digital Video Broadcasting – 2-ci nəsil rəqəmsal TV yayımı) əsasında təqdim olunan rəqəmsal TV xidmətidir və Avropa rəqəmsal efir televiziyasının standartı olaraq artıq uğurla 150-dən çox ölkədə fəaliyyət göstərir.

Xeberler.az bildirir ki, paket yerli və regional kanallar daxil olmaqla, türk, rus və ingilis dillərində 67 TV kanaldan ibarətdir.

Nar Home tərəfindən Naxçıvan şəhərində elan edilən kampaniya çərçivəsində 5 aylıq ödəniş etmiş istifadəçilərə 6-cı ay, 10 aylıq ödəniş etmiş müştərilərə isə 11 və 12-ci aylar hədiyyə edilir. Bundan başqa, 10 aylıq ödəniş etmiş abunəçilər öz arzuları əsasında 2 ay əlavə pulsuz istifadə əvəzinə Nar Home cihazını da hədiyyə olaraq əldə edə bilərlər.

Bütün Nar Home kanalları 1 dekabr 2015-ci il tarixinədək pulsuz yayımlanacaq (bundan sonra, yalnız 12 yerli kanal pulsuz yayımlanacaq). Bu tarixdən etibarən, yalnız Naxçıvan şəhərində yerləşən və aşağıda sadalanan rəsmi satış məntəqələrindən alınmış cihazlarla ödənişli kanallar izləmək mümkün olacaq:

- Satış və xidmət mərkəzi: Təbriz küç., 1 (Tədris ticarət mərkəzi ilə üzbəüz)

- Satış məntəqəsi: Nizami küç., 14

- Satış məntəqəsi: Atatürk pr., 16

Satış və xidmət mərkəzi 24/7 formatında fəaliyyət göstərir. Nar Home barədə istənilən sualla bağlı (qiymət, quraşdırılma və s.) 744 qısa nömrəsi (Nar abunəçiləri üçün) və ya 036/055 00 744 nömrələri ilə (şəhər telefonundan və ya digər mobil operatorlardan) əlaqə saxlamaq olar.

2015-ci il dekabrın 1-dən Nar Home yalnız yeni cihaz vasitəsilə işləyəcək. Abunəçilər aldıqları cihazın yeni təqdim olunmuş xidmət texnologiyasına uyğunluğunu yoxlamaq və Nar Home ilə əlaqədar əlavə məlumat öyrənmək üçün Nar rəsmi internet səhifəsinə müraciət edə bilərlər.

Xeberler.az