Ölkələr külək, günəş və su enerjisindən istifadəyə keçə bilər

25-11-2015 / 15:20

ABŞ-ın Stenford Universitetinin alimləri Kaliforniya Universitetindən olan həmkarlarının dəstəyi ilə 139 ölkənin enerji şəbəkə xəritəsini təhlil edərək 2050-ci ilədək əksər dövlətlərin bərpa olunan su, külək və günəş enerji mənbələrinə keçə bilməsi qənaətinə gəliblər.

Xeberler.az RYTN-nin rəsmi saytına istinadən bildirir ki, alimlərin fikrincə, ənənəvi enerji mənbələrindən (neft, qaz və kömür) istifadədən imtina ilə bağlı qərarın qəbulu sırf siyasi xarakter daşıyır. 2050-ci ilədək enerji sahələri, nəqliyyat, isitmə və soyutma sistemləri, eləcə də sənaye və kənd təsərrüfatı ekoloji təmiz yanacaq növləri ilə təmin edilən zaman praktikada aparıcı dövlətlərin energetikanın inkişafı üzrə ekoloji proqramı qəbul etməsi real görünür.

Tədqiqatçıların hesablamalarına görə, ekoloji təmiz yanacaq növlərindən istifadə kifayət qədər ucuzdur və gələcəkdə bərpa olunan enerji mənbələri ucuzlaşmaqda davam edəcək. Belə ki, hazırda ABŞ-da külək enerjisindən hasil olunan hər kilovat-saatın qiyməti 3,5 sentdir. Eyni zamanda qaz qazanxanalarından əldə edilən hər kilovat-saat ölkəyə 8 sentə başa gəlir. Enerji hasilatı üzrə ekoloji təmiz müəssisələrin yaradılması 20 milyona yaxın insan üçün iş yeri açmağa imkan verəcək ki, bu da hazırda energetika sahəsində çalışanların sayından xeyli çoxdur.

Alimlər əmindirlər ki, enerjidaşıyıcıları tarifləri stabilləşəcək və bu, dövlətlərin iqtisadiyyatına müsbət təsir göstərəcək, eyni zamanda vətəndaşların rifah halını yüksəldəcək. Ölkələr enerji baxımından müstəqil ola biləcək ki, bu da kənar dövlətlərin enerji resursları uğrunda mübarizəsi nəticəsində əmələ gələn qlobal gərginliyi azaltmağa imkan verəcək. 

Xeberler.az

 


ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.