Rabitə və yüksək texnologiyalar sahəsində gəlirlər artıb

13-07-2015 / 16:57

 “Rabitə və yüksək texnologiyalar sahəsində gəlirlərin artımı 12 faiz təşkil edib  ki, bu da müvafiq ümumdünya orta göstəricisindən təxminən 1.5 dəfə yüksəkdir”.

Xeberler.az-ın məlumatına görə, bunu Rabitə və yüksək texnologiyalar  naziri Əli Abbasov Prezidentin rəhbərliyi ilə bu gün  keçirilən Nazirlər Kabinetinin 2015-ci ilin birinci yarısının sosial-iqtisadi inkişafının yekunlarına həsr olunmuş iclasında deyib.

Nazir bildirib ki,telekommunikasiya sektorunda mobil rabitə xidmətləri göstərən üç operatorun ümumi gəlirləri ötən ilin uyğun dövrünə nisbətdə təxminən 6 faiz artıb,  bütün ölkə üzrə 3-cü, Bakı və Abşeron yarımadasında isə 4-cü nəsil texnologiyasının tətbiqi genişləndirilib.

Əli Abbasov vurğulayıb ki, beynəlxalq telekommunikasiya İttifaqının hesabatına əsasən, ölkəmiz ərazisinin 100 faizli  3-cü nəsil örtüyünə malik olan 40 ölkə sırasındadır:

“ Stasionar rabitə xidmətlərinin genişləndirilməsi istiqamətində, hesabat dövründə, əsasən kəndlərdə optik rabitə infrastrukturunun inkişafına diqqət verilib. Son altı ayda 100-dən çox kəndin bu sistemə çıxışı təmin olunmuş və beləliklə, Azərbaycan kəndlərinin 80%-i müasir standartlara cavab verən, həmçinin, genişzolaqlı xidmətlərə çıxışı olan stasionar telekommunikasıya şəbəkəsinə qoşulub”.

Nazir qeyd edib ki,  ölkə üzrə genişzolaqlı İnternet infrastrukturu, həm stasionar, həm də mobil internet xidmətlərinin göstərilməsi genişləndirilib.

“ Bu gün ölkəmizdə İnternet istifadəçilərinin sıxlığı təxminən 75 faiz genişzolaqlı internet istifadəçilərinin sıxlığı isə 65 faizdir.  Əksər beynəlxalq təşkilatlar və özəl reytinq şirkətləri bu göstərici və internet azadlığına görə Azərbaycanı Mərkəzi Asiya və MDB ölkələri regionunda lider kimi qiymətləndirirlər”.

 “Rabitə və yüksək texnologiyalar sahəsində gəlirlərin artımı 12 faiz  təşkil edib  ki, bu da müvafiq ümumdünya orta göstəricisindən təxminən 1.5 dəfə yüksəkdir”.

Xeberler.az

 

ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.