Saməddin Əsədov: “Azərbaycan kosmik sahədə inkişafın vacibliyini dərk edir”

06-12-2022 / 12:41

“Azərbaycan hökuməti kosmik sahənin inkişafının vacibliyini dərk edir”.

Xeberler.az bildirir ki, bunu Rəqəmsal İnkişaf və Nəqliyyat Nazirliyi yanında Kosmik Agentliyin ("Azərkosmos") İdarə Heyətinin sədri Saməddin Əsədov deyib.

O bildirib ki, bu sahənin inkişafı iqtisadi inkişafa çox böyük təsir göstərir: "Hazırda dünyanın müxtəlif problem və çağırışlarla üzləşdiyi bir zamanda kosmik sahə Dayanıqlı İnkişaf Məqsədlərinin (DİM) hər birinə təsir göstərir".

Onun sözlərinə görə, Azərbaycan gələn il oktyabrın 2-dən 6-dək keçiriləcək Beynəlxalq Astronavtika Konqresinə fəal şəkildə hazırlaşır və burada 6 minə yaxın iştirakçının olacağı gözlənilir: "Sərgi pavilyonunda yerlərin 75%-i artıq rezervasiya olunub. Konqresdə iştirak üçün qeydiyyat 2023-cü il yanvarın sonunda açılacaq".

“Azərkosmos” ASC-nin İdarə Heyətinin sədri Beynəlxalq Astronavtika Konqresinin 50 ildən sonra yenidən Bakıya qayıtdığını və Azərbaycanın paytaxtının sonuncu dəfə 1973-cü ilin oktyabr ayında bu tədbirə ev sahibliyi etdiyini xatırladıb.


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə