Şirvanda silah zavodunda partlayış olub-Yenilənib

26-07-2016 / 17:20

Şirvan şəhərində Araz zavodunda partlayış olub. 

Əldə etdiyimiz məlumata görə, partlayış silah zavodunda baş verib. Partlayışın səsi bütün şəhərə yayılıb, hazırda güclü yanğın davam edir.

Qeyd edək ki, sözügedən zavod Müdafiə Sənayesi Nazirliyinin Üfüq İstehsalat Birliyininin nəzdindədir.

Şirvan şəhər İcra Hakimiyyətindən Müdafiə Sənayesi Nazirliyinə məxsus zavodda baş verən partlayışla bağlı açıqlama verilib.

İcra başçısının köməkçisi Vasif Əliyev AzVision.az-a bildirib ki, partlayışın hansı səbəbdən baş verdiyi hələlik məlum deyil. Bu istiqamətdə operativ araşdırma aparılır.

İcra rəsmisi bildirib ki, partlayış nəticəsində bir neçə nəfərin ölməsi və yaralanması haqda onlara məlumat daxil olub. Hələlik ölüm faktı rəsmi şəkildə təsdiqini tapmayıb.

Vasif Əliyev, həmçinin qeyd edib ki, Fövqəladə Hallar Nazirliyinin əməkdaşları hadisə yerinə cəlb olunub.

***

Müdafiə Sənayesi Nazirliyi Şirvan şəhərindəki partlayışla bağlı məlumat yayıb.

 Nazirliyin mətbuat xidmətindən  Xeberler.az-a verilən məlumata görə, hadisə iyulun 26-da saat 15:35 radələrində Müdafiə Sənayesi Nazirliyinin Şirvan Araz zavodunda hadisə baş verib.

Baş vermiş hadisə ilə bağlı Müdafiə Sənayesi Nazirliyi tərəfindən rəsmi məlumat veriləcək.

Xahiş edirik, hadisə ilə bağlı məlumat yayarkən MSN-in Mətbuat xidməti ilə əlaqə saxlanılsın.

***

Səhiyyə Nazirliyindən Şirvandakı partlayışla bağlı yeni açıqlama verilib.

Nazirliyin mətbuat xidmətindən AzVision.az-a bildirilib ki, Şirvan şəhərində baş vermiş hadisə ilə əlaqədar yerli səhiyyə müəssisələri səfərbər olunub. 

Əlavə olaraq hadisə yerinə Bakıdan Təcili Təxirəsalınmaz Tibbi Yardım Xidməti tərəfindən 2 həkim briqadası (travmatoloq, reanimatoloq və s.) göndərilib və 3 həkim briqadası hazırda göndərilməkdədir. 

Hadisə nəticəsində zərərçəkənlərə zəruri tibbi yardım göstərilir.

Nazirlikdən bildirilib ki, yaralıların sayının nə qədər olması barədə onlarda məlumat yoxdur. 

Qeyd edilib ki, çoxlu sayda təcili tibbi yardım maşını hazırda hadisə yerindədir, yaralılar xəstəxanaya yerləşdirilir.

***

Müdafiə Sənayesi Nazirliyi hadisənin baş vermə səbəbi ilə bağlı açıqlama yayıb.

Nazirlikdən Xeberler.az-a verilən məlumata görə, iyulun 26-da saat 15:35 radələrində Müdafiə Sənayesi Nazirliyinin Şirvan Araz”  zavodunda hadisə baş vermişdir.

Hadisə nəticəsində ölən yoxdur, 11 nəfər yüngül formada xəsarət alan var. Xəsarət alanlara tibbi yardım göstərilir və hazırda həkim nəzarətindədirlər.

Fasilələrlə eşidilən partlayış səslərinin səbəbi utilizasiya olunması üçün Müdafiə Nazirliyi tərfindən sifariş olunan 1500 ton məmulatdan qalan 146 tonda yaranan qığılcımlardır.

Müdafiə sənayesi naziri Yavər Camalov hadisə baş verdiyi andan etibarən Şirvan şəhərinə yola düşüb və hazırda hadisə yerindədir.

Hadisənin baş vermə səbəbləri ilə bağlı  məlumatlar araşdırmalardan sonra veriləcək.

***

İyulun 26-da  Müdafiə Sənayesi Nazirliyinin  Şirvan Araz zavodunda baş vermiş hadisə nəticəsində zavodun iki  əməkdaşı – Məmmədov Ağamir Allahyar oğlu və Nuriyeva İlhamə Əsgər qızı  dünyalarını  dəyişib.

 

Xeberler.az

 


ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.