TEXNOLOGİYA

Məlumat verdiyimiz kimi, son dövlərdə dünyada pilotsuz uçuş aparatlarından ( dron)  istifadə genişlənir.

Demək olar ki, artıq  bütün sahələrdə bu aparatların köməyindən istifadə edilir.

Qeyd etdiyimiz kimi, ölkəmiz də artıq bu inkişafa qoşulub. Belə ki, son vaxtlarda Azərbaycanda da pilotsuz uçuş aparatlarından istifadənin genişlədiyi müşahidə edilir. Bunun nəticəsidir ki, aprel döyüşlərində Azərbaycan  ordusu düşmən mövqelərinə  pilotsuz uçan aparatdan (dron) istifadə edərək zərbə endirib.

Bu yaxınlarda isə  Azərbaycan Müdafiə Sənayesi Nazirliyi (MSN) 2016-cı ildə yeni nəsil pilotsuz uçuş aparatlarının (PUA) istehsalına başlayacaqlarını açıqlayıb.

 Müdafiə sənayesi naziri Yavər Camalov qeyd edib ki, bununla bağlı dövlət başçısının tapşırıq verib.

Onun sözlərinə görə, ölkəmizdə istehsal olunan uçuş aparatları kəşfiyyatla yanaşı digər funksiyaları da həyata keçirəcək, aşkarladığı hədəfləri məhv edə biləcək.

Nazir yeni PUA üzərində işlər 2016-cı ilin sonlarında başa çatdırılacağını və aparatların istehsalına başlayacaqlarını deyib.

Xeberler.az olaraq hazırda bu istiqamətdə davam edən işlərlə maraqlandıq.

Müdafiə Sənayesi Nazirliyindən Xeberler.az-a verilən məlumata görə,  hazırda pilotsuz uçuç aparatlarnın  istehsalı istiqamətində müvafiq qurumlarla danışıqlar aparılır.

Məlumatda qeyd edilib ki, yaxın zamanlarda bu məhsulların istehsalına başlanılacaq.

Məltəm Talıbzadə