Startapımız beynəlxalq yarışda iştirak edib

09-04-2015 / 11:21

Martın  30-da Dubay şəhərinin  Dubai İnternational Marine Klubunda “STEP Conference 2015” keçirilib.

Konfransda  Azərbaycanı Startap qismində “BethClip " layihəsi təmsil edib.

Layihənin rəhbəri Rəşid Əliyev Xəbərlər-ə bildirib ki, layihə “#STEP2015 Pitch Competition”  təqdimat yarışına qoşularaq 96 namizəd arasından konfransda iştirak üçün   seçilmiş  26 namizəd arasına daxil  olma imkanı qazanıb.

 

Onun sözlərinə görə,  tədbir günü seçilmiş 26 startap 1 dəqiqə ərzində (təqdimatsız) münsiflər qarşısında "Elevator Pitch" edərək layihələrinə diqqət cəlb etdirə biliblər.

“ BethClip “ layihəsi münsiflər tərəfindən maraqla qarşılanıb və  5 dəqiqəlik təqdimat üçün finala seçilmiş 10 startapdan biri olub.

Rəşid Əliyev deyib ki,  layihə  təqdimatda bal hesabı ilə 5-ci yerə layiq görülüb.

O qeyd edib ki,  konfransda yalnız ilk 3 yer mükafatlandırılıb:

“Buna baxmayaraq, Şərqin "500 Startap"-u sayılan “Oasis 500 “ layhəmizlə  maraqlanaraq bizə 3 aylıq akselerasiya və investisiya təklifi etdi. Bundan əlavə adlarının açıqlanmasını istəməyən  Dubai-in iki mələk yatırımçıları da  layihə  ilə maraqlanıblar  və yatırım təklif ediblər”.

Layihə rəhbəri onu da qeyd edib ki, hazırda  investorların da iştirakı ilə təkliflər üzərində müzakirələr davam edir.

Məltəm Talıbzadə 


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə