Azərbaycan startapı ABŞ-da təqdim edilib

13-01-2016 / 15:54

Azərbaycanlı startapçı, AMEA-nın əməkdaşı Rəşid Əliyev  Braille Pad layihəsini ABŞ-da təqdim edib.

Bu barədə  Xeberler.az-a AMEA-nın mətbuat xidmətindən məlumat verilib.

Qeyd edilib ki, AMEA-nın əməkdaşı Rəşid Əliyev ABŞ-ın Missuri ştatının Sent Lyuis şəhərinin İcra Hakimiyyəti və Arch Grants təşkilatının birgə dəstəyi ilə keçirilən qrant müsabiqəsində müəllifi olduğu Braille Pad layihəsi ilə bağlı iştirak etmək üçün yanvarın  6-8-də ABŞ-da ezamiyyətdə olub.

O, münsiflər heyəti qarşısında müvəffəqiyyətlə çıxış edərək layihəni təqdim edib.

Rəşid Əliyev həmçinin Sent Lyuis şəhərində yerləşən Vaşinqton Universitetinin və Missuri Elm və Texnologiyalar Universitetinin müəllim-professor heyəti ilə görüşdə iştirak edib, layihə ilə bağlı müzakirələrdə səsləndirilən fikir və təklifləri əldə edib. Görüşdə AMEA ilə universitetlər arasında əməkdaşlıq etmək üçün müvafiq imkanlar və potensial sahələr araşdırılıb.

Rəşid Əliyev yanvarın 8-9-da Nyu York Universitetində (NYU)  Braille Pad layihəsini təqdim edib.

Gözdən əlillər üçün planşet layihəsi olan Braille Pad artıq beynəlxalq investorların diqqətini cəlb edir.

 Məltəm Talıbzadə 


ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.