İNNOVASİYA VƏ STARTAP

Startap layihəmiz -Braille Pad Tiflisdə keçirilən Seed Forum qlobal sahibkarlıq konfransında iştirak edib.

Qeyd edək ki, Seed Forum Tbilisi  Qafqaz üzrə startapların investorlara tədimat etmələrinə imkan yaradır. Bununla yanaşı, forumda  seçilən  ən yaxşı 2 startap  New York və digər Avropa ölkəsində tədbirlərə qatılmaq imkanı qazanır.

Azərbaycandan da Braille Pad layihəsinin rəhbəri Rəşid Əliyev ən yaxşı startap qismində iHub-la birlikdə Gürcüstanın Maestro telekanalına dəvət edilib.

Xeberler.az-ın məlumatına görə, startapçımız telekanalda layihəsi barədə ətraflı məlumat verib.

Layihə rəhbəri Rəşid Əliyev Xeberler.az-a bildirib ki, forumda qalib ola bilməsə də, layihəyə böyük maraq yaranıb. Ona bir necə şirkətdən investisiya təklifi də gəlib:

"Qalib olan startap komandası xaricdə təlimə göndərildi. Amma  forumda Braille Pad layihəsinə də böyük maraq yarandı. Forumdan sonra bəzi  şirkətlərdən investisiya təklifləri də aldıq. Hələlik bu təkliflər rəsmi formada dəyərləndirilməyib".

Qeyd edək ki, Seed Forum Tbilisi forumu startaplara potensial investor tapmağa  imkan yaradır. Mayın 24-də keçirilən Seed Forum Tbilisi konfransıdna startap layihələrinin investorlara təqdim edilməsi üçün Pitch təşkil edilib.

Braille Pad layihəsi də investorlara təqdim edilib. 

Məltəm Talıbzadə