Startupların seçim meyarları açıqlanıb

13-06-2014 / 23:02
“Startup Azərbaycan” yarımfinalçılarının ekspertlər qarşısında oflayn təqdimatları iyunun 21-də Yüksək Texnologiyalar Parkında baş tutacaq.
 
Təşkilat komitəsindən verilən məlumata əsasən, yarımfinalçılar qeyd olunan müddətədək “Startup Azərbaycan” iştirakçıları biznes plan və təqdimatlar təqdim etməlidirlər.
 
Təqdimat maksimal 6 - 7 slayddan ibarət olmalıdır. Təqdimat biznes-plan əsasında hazırlanmalı  və bura iştirakçı haqda məlumat - komanda, layihənin əsas ideyası və cəlbediciliyi, layihənin gəlirləri və xərcləri, əhatə dairəsi, yəni layihənin lokal və ya qlobal olması, rəqabətə və risklərə davamlılığı və s. məlumatlar daxil olmalıdır.
 
Biznes-planın təqdim edilməsi üçün son tarix iyunun 17-dir. Təqdimatların son təqdim etmə tarixi iyunun 19-dur, onlar “[email protected]” ünvanına göndərilməlidir.
 
Ekspertlərə paylamaq üçün layihə haqqında çap olunmuş buklet – reklam vərəqi gətirilməlidir. Hər bir təqdimat üçün 3-5 dəqiqə,  sual-cavab üçün 1-2 dəqiqə vaxt ayrılacaq.
 
Təqdimatın yekununda ekspertlər layihələri 5 istiqamət üzrə qiymətləndirəcək: komanda, layihənin davamlılığı, layihənin ideyası və cəlbediciliyi, layihənin gəlirliliyi, layihənin əhatə dairəsi.
 
Nəticələr “Startup Azərbaycan” Yekun Təqdimat mərasimində açıqlanacaq. 
 
 

ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə