İNNOVASİYA VƏ STARTAP

Startup Azərbaycan  Təşkilat Komitəsi bildirir ki, yarımfinala çıxan startuplar  Ekspertlər qarşısında öz Layihələrinin təqdimatlarını ediblər.

Yarımfinala çıxan 15 Layihədən 14-ü Startup Azərbaycan ekspertləri tərəfindən 2-ci səsvermə mərhələsində dəyərləndirilib. 8 ekspert bu qiymətləndirmə mərhələsində iştirak edib.

Hər bir startup komandası 10 dəqiqə vaxt  ərzində öz layihələrinin əsas ideyaları və biznes-planları ilə bağlı ekspertləri məlumatlandırıblar.  Ekspertlər Layihələri 5 istiqamət (layihənin komandası, layihənin davamlılığı, layihənin ideyası və cəlbediciliyi, layihənin gəlirliliyi, layihənin əhatə dairəsi) üzrə 10 ballıq sistemlə qiymətləndiriblər.

Ekspertlərin yekun qiymətləndirilməsi əsasında finalçılar müəyyən olunacaq.
Finalçılar 3 iyul tarixdə keçirilməsi nəzərdə tutulan  yekun təqdimat mərasimində élan olunacaq.

Finalçılara diplomlar və müxtəlif qiymətli hədiyyələr təqdim ediləcək.
Ənənəvi Startup Azərbaycan Milli Konfransının və Finala çıxan startuplarla investorların qapalı görüşünün də (pitç sessiya)  3 iyul tarixdə  keçirilməsi nəzərdə tutulub.

Startup Azərbaycan Azərbaycan İnternet Forumunun təşkilatçılığı ilə keçirilir.
Startup Azərbaycan Layihəsinə Rabitə və Yüksək Texnologiyalar Nazirliyi yanında İnformasiya Texnologiyalarının inkişafı Dövlət Fondu dəstək verir.

Startup Azərbaycan-ın Akademik partnyoru ADA Universitetidir.
Yüksək Texnologiyalar Parkı, İnfiPro, SİNAM və Bakcell şirkətləri Startup Azərbaycan-a dəstək verirlər.

Tedbirdən hazırlanan foto materiallar :  https://www.facebook.com/media/set/?set=a.746935492032451.1073741862.486851951374141&type=1