Müxtəlif suallara cavab axtararkən süni intellektin xidmətindən istifadə geniş hal alıb. Onların verdiyi cavablara ifrat arxayınlıq isə narahatlıq doğurur.
Xeberler.az məlumat verir ki, “Columbia Journalism Review” təşkilatı 8 növ süni intellekti araşdırıb. Məlum olub ki, onların hazırladığı cavabların orta hesabla 60 faizdən çoxu səhvdir.
Tədqiqat üçün süni intellektə 200 məqalədən konkret sitatları seçmək, müəllifi, dərc olunma tarixini və linki tapmaq tapşırığı verilib. İşi asanlaşdırmaq üçün “Google” axtarış sistemində ilk sırada yer alan elmi məqalələr seçilib. Süni intellekt proqramları və çatbotların heç biri verilən tapşırığı tam icra edə bilməyib. Ən ciddi xəta isə sitatların tapılmasında olub.
Tədqiqatçılar qeyd edirlər ki, süni intellekt çox vaxt konkret cavabı tapmaq yerinə, cavab “icad edir” və ya informasiyanın “hallüsinasiyası ilə məşğul olur”. Ekspertlər bunu təsadüfi xəta deyil, sistemli davranış kimi qiymətləndirirlər.
Qeyd olunur ki, süni intellektin yarada biləcəyi dezinformasiya narahatlıq doğurur. Onların xidmətindən istifadə edənlər təqdim edilmiş məlumatları təkrarən, təbii intellekt süzgəcindən keçirməlidirlər. Ənənəvi axtarış sistemlərinin müəyyən qüsurları olsa da, onlar məlumatların sintezini insanın öhdəsinə buraxır. Burada ən dəyərli olan son qərarı istifadəçinin verməsidir.
Televiziyaların reytinqini kim ölçür, necə ölçür və nəticələr ağlabatan olacaqmı?
Nazirlik inkubasiya mərkəzlərini niyə topladı? –Şərh
Windows 10-u necə sürətləndirmək olar?
Bizi idarə edən güc: Netokratiya
Tor: şəbəkənin nəzarətindən azad olmaq imkanı
Facebook müəmması
4G mobil texnologiyası niyə ləngiyir?
Rəqəmli yayım: mərkəzdən kənarda yaşayanlar nə etsin?
“Asan imzanı belə gördüm”- Azər Həsrət
Satışa çıxarılmış Azərbaycan adları