AVADANLIQ

2007-ci ilin sorğusuna əsasən 1,8 milyon amerikalı ailə kompüterlərini səmərəsizliyinə görə atmağa məcbur olublar. Symantec şirkəti iki eksklüziv internet-xidmət təqdim edib ki, onların köməyi ilə Windows XP və Vista əməliyyat sistemlərinin istifadəçiləri kompüterlərinin səmərəliliyini arta bilər.
Ilk PC Checkup xidməti sistemin diaqnostikasını 30 dollara həyata keçirir. Norton Premium Services-in vitse-prezidenti Lenni Alyuqas PC Checkup-ı avtoservisə bənzədir. Kompüterində məhsuldarlığın azalmasını görən istifadəçi Symantec saytından müvafiq faydalı xidməti yükləyə və ya şirkətin mütəxxəssisləri ilə əlaqə yarada bilər.
Digər PC Tune Up xidməti daha fəal texniki dəstək təklif edir. Symantec mütəxxəssisi  LogMeIn Rescue xidmətinin müştərilərinin köməyi ilə sistemin müstəqil diaqnostikasını aparır və lazımi əməliyyatları yerinə yetirir.
Alyuqas bəyan etdi ki, PC Checkup və PC Tune Up, Symantec-in yaydığı soft qutusuna nisbətən daha çox üstünlüklərə malikdir. Dəqiq desək, onlar daha interaktivdirlər. Heç bir əməliyyat müştərinin razılığı olmadan həyata keçmir.
Symantec-in məlumatına görə, yeni xidmətlərin auditoriyası texniki cəhətdən bilikli, lakin kompüter probleminə kifayət qədər vaxtı olmayan qadınlardan ibarətdir.
Alyuqasın dediyinə görə, yeni xidmətlərin rəqibləri kiçik özəl təmir emalatxanaları və müştərilərə xüsusi xidmətlər təklif edən bəzi məşhur personal kompüterlər istehsalçılarıdır.