TƏHLÜKƏSİZLİK

2015-2019-cu illərdə informasiya təhlükəsizliyi həllərinin satışı ildə 7,4 faiz artacaq.

Xeberler.az xarici mətbuata istinadən bildirir ki, analitiklərin sözlərinə görə, informasiya təhlükəsizliyi bazarında xərclərin artmasının əsas hərəkətverici qüvvəsi dövlət təşəbbüsləri, qanunvericilik tələblərinin sərtləşdirilməsi və bir sıra böyük sızma halları olacaq.

Asiya-Sakit okean ölkələrində analitiklər informasiya təhlükəsizliyi sahəsində konsaltinq xidmətlərinə tələbatın yüksək olacağını proqnozlaşdırırlar. Lakin bir tərəfdən Çin və digər region ölkələrində iqtisadi tempin zəifləməsi, digər tərəfdən informasiya təhlükəsizliyi servisləri bazarının artımı qeyri-müəyyən vəziyyət yaradır.

Şirkət analitiklərinin məlumatına görə, iri informasiya təhlükəsizliyi həlləri istehsalçıları arasında mədaxilin həcminə görə birinci yeri ABŞ-ın Symantec şirkəti tutur. Onların hesablamalarına görə, 2014-cü ildə Symantec-in payı 17,2 faiz təşkil edib. Onun yaxın izləyicisi Intel şirkətində bu göstərici 8,5 faizə bərabər olub. Liderlər üçlüyünü 6,9 faizlik göstərici ilə IBM şirkəti tamamlayır. Sonrakı yerlərdə 4,9 faizlə Trend Micro, beşincidə 3,7 faizlik payla EMC şirkətləri qərarlaşıb.

Xeberler.az