STARTAP AZƏRBAYCAN

Məlumat verdiyimiz kimi, bu gün Gəncə şəhərində Startap Azərbaycan layihəsənin nümayəndələri  tələbələrlə görüşüb.

Xeberler.az-ın məlumatına görə, tədbirə Gəncədə fəaliyyət göstərən  üç  universitetin ( Gəncə Dövlət Universiteti,  Aqrara Universiteti və Azərbaycan Texnologiyalar Universiteti) tələbələri qatılıb. Toplantıda həmçinin startap sahəsi ilə maraqlanan gənclər də iştirak edib.

GDU-də təşkil edilmiş görüşə ali təhsil müəssislərinin akademik heyəti də qatılıb.

Tədbirdə Azərbaycan İnternet Forumunun rəhbəri Osman Gündüz  Startap Azərbaycan adından çıxış edərək ölkədə  startap ekosisteminin inkişafı barədə məlumat verib.

Osman Gündüz dünyada və Azərbaycanda  gənclərin startap sahəsində aktivliyi,  son dövrlərdə təqdim etdikləri uğurlu layihələri gənclərlə bölüşüb.

O, Rabitə və Yüksək Texnologiyalar Nazirliyi, İT-nin İnkişafı Dövlət Fondu və digər rəsmi qurumlar və şirkətlər tərəfindən dəstəklənən  Startap Azərbaycan layihəsinin əsas məqsədləri, layihə çərçivəsində hazırda davam edən müsabiqə qaydaları, Startap Günləri haqqında danışıb.

Rabitə və Yüksək Texnologiyalar Nazirliyi yanında İT-in İnkişafı Dövlət Fondunun layihələr üzrə iş sektorunun müdiri Əkbər Abbasov çıxış edərək Dövlət Fondunun həyata keçirdiyi layihələr, qrant müsabiqələri və qarşıda gözlənilən tədbirlər haqqında məlumat verib.

Əkbər Abbasov layihələrin qrant müsabiqəsində iştirakı ilə bağlı məqamlara  məqamlara aydınlıq gətirib.

Fond rəsmisi qrant müsabiqəsinin şərtləri, qəbul qaydaları ilə bağlı tələbələrin suallarını cavablandırıb.

Görüşdə həmçinin ölkədə tanınmış startapçılar və İT sahəsi üzrə mütəxəssislər Rəşid Əliyev və Rəşad Camal (Shopera.az) da çıxış edərək öz təcrübələri və startap sahəsindəki mövcud trendlərlə, elektron ticarət sahəsindəki vəziyyətlə bağlı  fikirlərini tələbələrlə bölüşüb.

Görüşdə universitetlərin rəhbərliyinin, professor müəllim heyətinin nümayəndələri, xüsusilə də tələbələr çıxış edərək onları maraqlandıran sualları səsləndiriblər.

Toplantı diskussiya və tələbələrin sual-cavabları ilə davam edib.

Tədbirdən hazırlanan foto materiallar :

https://business.facebook.com/media/set/?set=a.1070715409654456.1073741889.486851951374141&type=3&business_id=515337821939099

Məltəm Talıbzadə

Gəncə