Təhlükəsizlik Şurası Rusiya üçün ayrıca internet planına qərar verdi

30-10-2014 / 12:31

Rusiyanın Rabitə və kütləvi kommunikasiyalar naziri Nikolay Nikifirov “Rusiya internetinin xarici təsirdən  qorunması” planının olduğunu təsdiqləyib. 

Nazir planın məzmununu açıqlamasa da, bir sıra mənbələr bunu oktyabrın 1-də Rusiya prezidenti Vladimir Putinin  Təhlükəsizlik Şurasında keçirdiyi iclasla əlaqələndirirlər. Bu iclasda qlobal şəbəkəni idarə edən ümumdünya qurumlarının interneti kəsdiyi halda Rusiyada internetin avtonom rejimdə işləməsi üçün infrastrukturun yaradılması haqda qərar qəbul olunub.

Bu plana görə 3 əsas iş görülməlidir.  

Birincisi, əsaslı DNS serverlərin yaradılmasıdır. Hazırda dünyada ABŞ-ın nəzarətində olan ICANN (Internet Corporation for Assigned Names and Numbers ) korporasiyasına məxsus 13 belə server var. Bu serverlər istifadəçini lazım ünvana yönləndirir. Əgər ICANN Rusiya saytlarını ünvanlarını kəsməyə qarar versə, ölkə internetsiz qala bilər.

Ikincisi, Rusiyanın milli istiqamətli-ünvan informasiya sisteminin qurulmasıdır. Bu sistem internet birləşməsini lazım olan yerə istiqamətləndirir. Hazırda bu prosesi iki - Amsterdamda yerləşən beynəlxalq qurum RIPE NCC və ICANN-ın nəzarətində olan ABŞ təşkilatı IANA (Internet Assigned Numbers Authority) tənzimləyir.

Üçüncüsü, Rusiya internetinin normal fəaliyyət göstərdiyi monitorinq edən milli qurumların yaradılmasıdır.

Bu məsələlərin “Vosxod” elmi tədqiqat institutuna tapşırılacağı gözlənilir.  

Mənbə:   lenta.ru


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə