Təhsil Nazirliyi TV kanal açır

19-05-2015 / 11:21

“Yaxın zamanda Təhsil Nazirliyinin balansında olan yeni studiya fəaliyyətə başlayacaq”.

Xəbərlər-in verdiyi məlumatına görə, bu sözləri Təhsil Nazirliyinin QHT və KİV-lə iş sektorunun müdiri Cəsarət Valehov “Media və təhsil dialoqu: Peşəkarlığın inkişafı” mövzusunda təlim-konfransda çıxışı zamanı deyib.

Onun sözlərinə görə, bu gün ixtisaslaşmış jurnalistikanın olması mütləqdir. Bunun üçün də artıq Təhsil Nazirliyi addım atıb.

“Artıq peşəkar tv studiyamız hazırdır. Yaxın zamanda fəaliyyətə başlayacaq. Bu işdə bir sıra televiziyalar bizə dəstək olublar. Bu studiyanın hazırlanması Təhsil Nazirliyinin təhsil televiziyasına keçiddə bir addımı hesab edilə bilər”.

C.Valehov onu da vurğulayıb ki, növbəti tədris ilindən Təhsil Nazirliyi Bakı Dövlət Universitetinin jurnalistika fakültəsinin tələbələrinə təlim keçəcək.

“Bakı Dövlət Universiteti ilə qurulan əməkdaşlıq nəticəsində bu ildən jurnalistika fakültəsinin 10 məzunu təhsil jurnalistikası sahəsində ixtisaslaşacaq. Onlar öyrədici təlimlərdə iştirak edib, gələcəkdə təhsil problemlərindən daha rahat şəkildə yaza biləcəklər”.

Məltəm Talıbzadə


ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.