TƏDBİRLƏR

Kiyevdə dünyanın 10 ölkəsindən innovativ layihələr toplayan Beynəlxalq IT-Çempionatının final mərhələsi  keçirilib.

Xeberler.az-ın məlumatına görə, 300-dən artıq ən güclü iştirakçılar  20 min dollar   hədiyyə fondu uğrunda mübarizə aparıb.

Tələbələr “İnvent. Create. Change” şüarı altında birləşən 10 fərqli nominasiyada öz layihələrini təqdim edib.

Bu il 10 minən artıq insan öz layihəsini Çempionata təqdim edib.

Golden Byte  müsabiqəsində ilk dəfə iştirak edən və 6 nominasiya üzrə Azərbaycanı təmsil edən tələbələr, Bakıya iki qızıl və iki bürünc medalla qayıdıb.

Onlardan biri cəmi 6 ay fəaliyyətdə olan STEP IT Academy Azerbaijan tələbəsidir.

E-Tap komandası – Elvin Cuvarov, Orxan Qədirov. WEB Design nominasiyasında 1-ci yer

Vaqif Rüstəmov, Character design nominasiyasında 1-ci yer

JavaSet komandası -  Yusupov Əsəd, Nicat Cavadov, Startup Challenge nominasiyasında 3-cü yer

Savefy komandası- Tural Səlimli, Məmməd Kərimli, Fəhmin Zakirli, Internet of Things nominasiyasında 3-cü yer

Finalçıların bir qismi final mərhələsi zamanı iş və təcrübə təkliflərini alıb.

Layihələri Ukraynanın və dünyanın ən böyük İT şirkətlərinin nümayəndələri qiymətləndirirdilər, məsələn, Yevgeniy Şvarov (Intersystems şirkəti), Yevgeniy Kudryavçenko (Vintage veb-studiyasının direktoru), Aleksey Mas (Kiyevstar), Svetlana Bovkun (KyivMakerFaire şirkətinin müştərək təsisçisi) «Kvartal 95» studiyasının nümayəndələri, Anna Tkaçenko (Rəqəmsal istiqamətin direktoru və 1+1 media strategiyası və inkişafı üzrə direktor), Dmitriy Litvinenko (STB televiziya kanalının art-direktoru), Vladislav Kurmaz (GlobalLogic əsas yaradıcısı), Papilev Aleksey (Lifecell əlavələrinin mobil idarəsi üzrə ekspert) və digərləri.

 STEP İT Akademiyası ardıcıl olaraq 10 ildir ki, “Golden Byte” beynəlxalq IT-çempionatını təşkil edir.

STEP IT Akademiyasının baş direktoru, “Golden Byte” çempionatının ideya müəllifi və təşkilatçısı Dmitriy Korçevski deyib ki,  onlar “GoldenByte” çempionatını ona görə yaradıb ki, istedadlı gəncləri xoş bir məqsəd ətrafına toplayayaraq, bilik və texnologiyaların köməyi ilə dünyanı dəyişmək, insanlara fayda gətirəcək innovasiya yaratsınılar:

“ Əminliklə deyə bilərik ki, biz buna nail ola bildik. 9 ildir ki, ardıcıl olaraq, tələbələrin müsabiqədə iştirak etmələri üçün əvvəlcə layihələr yaratdıqlarının, sonra isə  öz ideyalarını startaplara çevirərək, həyata keçirmələrinin şahidi oluruq. Bu,  çox gözəldir!”

“Golden Byte” Beynəlxalq Çempionatı Azərbaycanın və Ukraynanın Təhsil Nazirliklərinin, habelə Kiyev şəhər administrasiyasının dəstəyi ilə keçirilir. Çempionatın baş partnyorları – InterSystems şirkəti, Wolf, StearlingStudio, innovativ partnyor – Microsoft şirkəti, baş media partnyoru - 1 + 1 şirkətidir. Çempionatın final mərhələsi Şevçenko adına Kiyev Dövlət Univbersitetinin və D'lux əyləncə kompleksinin dəstəyi ilə baş tutub.

Məltəm Talıbzadə