Beynəlxalq müsabiqədə Azərbaycanı 3 Startap təmsil edəcək

09-07-2018 / 15:18

Social Innovation Lab innovasiya mərkəzinin əsas təşkilatçılığı və Azercell Telekom MMC-nin Barama İnnovasiya və Sahibkarlıq Mərkəzinin dəstəyi ilə dünyanın ən böyük cleantech proqramı olan ClimateLaunchpad-ın final mərhələsi keçirilib.

Xeberler.az məlumat verir ki, burada 3 ölkə, 2 akademiya, 9 universitet, 3 məktəb və 4 şəhəri təmsil edən 15 startap komandası mübarizə aparıb.

Belə ki, qalib olan 3 komanda 1-2 Noyabr 2018-ci ildə Şotlandiyanın paytaxtı Edinburq şəhərində keçiriləcək beynəlxalq finalda ölkəmizi təmsil edəcək. Eyni zamanda bu il Azərbaycandan proqrama qəbul olunacaq 10 startap İsveçrədə 18 aylıq akselerator proqramı və pul mükafatları uğrunda yarışacaqlar. Dünya Finalında ilk 10 yeri tutan startap layihələri kiçik ideyaların böyük bizneslərə çevrildiyi 18 aylıq Climate-KIC Accelerator proqramına qəbul olunacaqlar. Bu akselerator proqramında hər bir layihəyə üç mərhələdə 95,000 avro maliyyə dəstəyi verilir.

Bundan əlavə isə, Grand Finale - da ilk 3 yerə çıxan komandalar pul mükafatları qazanacaqlar:

– Birinci yer: 10,000 avro,

– İkinci yer: 5,000 avro,

– Üçüncü yer: 2,500 avro.

– Hər biri 5,000 avro olmaqla 5 fərqli mövzu mükafatı

– Dünya Finalında Azərbaycanı təmsil edəcək 3 startap komandasının bütün xərcləri qarşılanır.

Qeyd edək ki, 2014-cü ildən başlayaraq hər il keçirilən proqram Azərbaycanda artıq ikinci dəfə baş tutur. İştirak edən 46 ölkə arasında ClimateLaunchpad tarixində ən çox müraciət alan ölkə bu il 83 layihə ilə Azərbaycandır.

Xatırladaq ki, ötən il 35 ölkənin iştirak etdiyi ClimateLaunchpad proqramında Azərbaycandan 13 startap qəbul olaraq 10 həftəlik akselerator proqramdan keçib. ÖLkə finalında ən yaxşı 3 startap dünya finalında Azərbaycanı təmsil edərək 105 startap içərisində ən yaxşı 15 startapdan biri olmağa nail olub və hazırda Edinburq şəhərində Greenhouse inkubasiya proqramında layihələrini inkişaf etdirirlər. Ölkəmizdə hərkəs tərəfindən adı fəxrlə çəkilən Rainergy layihəsinin təsisçisi Reyhan Camalova öz layihəsi üzərində məhz ClimateLaunchpad proqramında iştirak etmək üçün düşünməyə başladı, proqrama seçilən uğurlu layihələrdən biri oldu və məhz ClimateLaunchpad proqramı çərçivəsində öz layihəsini inkişaf etdirərək ölkə finalında tamaşaçıların ən bəyənilən layihəsi mükafatını qazandı. Proqramdan sonra, ClimateLaunchpad–ın davam edən mentor dəstəyi vasitəsilə, proqramının mentorlarından biri, həmtəsisçisi Leyla Tağızadə ilə birlikdə Qlobal Sahibkarlıq Sammitində iştirak etdi və təşəbbüsünə görə İvanka Tramp tərəfindən tərif aldı. Ən son isə Reyhan Camalova öz layihəsi ilə Forbes jurnalın 2018-ci il üçün ən gənc ixtiraçı və sahibkarlarından biri oldu.

Məlumat üçün bildirək ki, ClimateLaunchpad proqramının Azərbaycanda rəsmi təşkilatçısı Social Innovation Lab innovasiya mərkəzidir, əsas tərəfdaşları Azərkosmos Açıq Səhmdar Cəmiyyəti və EY Azerbaijan qurumlarıdır. Barama İnnovasiyavə Sahibkarlıq Mərkəzi proqramın bürünc sponsorudur.

Layihə çərçivəsində komandaları qida ilə Özsut restoranlar şəbəkəsi təmin edib. Tədbirin Media dəstəyi isə Technote Media, Edumap və Real TV-yə məxsusdur, məkan tərəfdaşları isə Fransız-Azərbaycan Universiteti və SUP akseleratordur.

Xeberler.az


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.