Startapımız beynəlxalq müsabiqədə 3-cü yeri qazanıb

03-12-2015 / 21:39

Xəbər verdiyimiz kimi, dekabrın 3-də Bakıda ilk dəfə Youth Inc. Gənclərin Sahibkarlıq Proqramının Yüksək Texnologiyalar Parkı ilə əməkdaşlığı çərçivəsində “IE Venture Day Baku” müsabiqəsi baş tutub.

Xeberler.az bildirir ki, Yüksək Texnologiyalar Parkı bu müsabiqəni Avropanın bir nömrəli biznes məktəbi olan IE Business School ilə birgə həyata keçirib. Daha çox startapçılar və investorlar arasında səmərəli əməkdaşlıq yaradılması məqsədilə təşkil olunan müsabiqədə Yüksək Texnologiyalar Parkının direktoru Seymur Ağayev gənclərin biznes sahəsində aktivliyinin təmin olunması üçün bu cür layihə və müsabiqələrin əhəmiyyətindən danışıb.

Onun sözlərinə görə, yaxın gələcəkdə Azərbaycan biznes sahəsinə öz uğurları ilə imzalar atacaq.

Tədbirdə Startaplar Braziliya Assosiasiyasının Təhsil və Texnologiya Komitəsinin sədri Nyuton Kampos, Youth Inc. proqramının koordinatoru Müşviq Həsənov, Golden Pay şirkətinin təsisçisi Fərid İsmayılzadə, Venture Lab-ın icraçı direktoru Pari Dö Letra, Pipedrive və Garage48 şirkətinin təsisçisi Ragnar Sass, Facebook şirkətinin Şimali, Mərkəzi və Şərqi Avropa üzrə regional direktoru Kliv Ryan, Microsoft Azerbaycan-ın marketinq meneceri Səbinə Pərvizi, Amerika Ticarət Palatasının direktoru Natavan Məmmədova və başqa natiqlər çıxış ediblər, Products & Startups for Code for America şirkətinin direktoru Leyn Beker Mobil və veb texnologiyaların inkişafı – Silikon Vadisindən baxış mövzusunda təqdimat keçirib.

Müsabiqənin əsas iştirakçıları olan investorlar, layihə təqdimatçıları öz layihələrini təqdim edib və layihələrin yarışı keçirilib.

İştirak edən hər ölkədən layihələr seçilib və İspaniyanın paytaxtı Madriddə keçiriləcək final yarışına qatılma şansı qazanıblar. Həmçinin ilk üçlükdə yer alan layihələrə görə fərqli hədiyyələr verilib. Müsabiqədə təqdim olunan layihələrin əksəriyyəti texnologiya sahəsinə aid layihələrdir.

Müsabiqədə iştirak edən ən güclü 12 startap komandasından 5-i Azərbaycanı təmsil edib.

Sonda müsabiqənin qalibləri açıqlanıb. Birinci yerə Belarus komandası olan PAYMENT FIREWALL layiq görülüb. Onlar ödəmə təhlükəsizliyi ilə bağlı layihə təqdim ediblər və Madriddə keçiriləcək final yarışına qatılma şansı qazanıblar.

İkinci yerin qalibi İspaniyanın PAWER komandası olub. Onların layihəsi ev heyvanlarının sağlamlığı ilə bağlı hazırlanmış cihaz olub və İspaniya komandası IE Business School-un təqdim etdiyi proqramlardan birini seçib ödənişsiz təhsil almaq haqqı qazanıblar.

Üçüncü yerin qalibi isə Azərbaycan komandası NOOB olub. Layihə insanın onurğa sütununun düzgünlüyünə yardım edən bir cihazın təqdimatından ibarət olub. Azərbaycan komandası Avropanın partnyor inkubasiya mərkəzlərindən birini seçib 3 ay ərzində inkubasiya müddəti keçə bilmə və ordakı şəraitlərdən istifadə etmə hüququ qazanıb.

 

Sevinc Çəltikova


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə