Telekommunikasiya Qovşaq rəisinin intihar səbəbi məlum deyil

26-09-2015 / 11:55

Artıq xəbər verildiyi kimi,  Aztelekom MMC-nin Biləsuvar Rayon Telekommunikasiya Qovşağının rəisi İlkin Ağayev ötən gün axşam saatlarında intihar edib. İlkin Ağayev iki ay öncə bu vəzifəyə təyin olunub.

Xeberler.az-ın Aztelekom MMC-dən əldə etdiyi məlumata görə, İlkin Ağayev çalışdığı bu müddət ərzində özünü bacarıqlı kadr kimi göstərib və Aztelekom rəhbərliyi ilə heç bir problemi olmayıb.

Həmçinin, Aztelekom-dan bildirilib ki, İlkin Ağayev Biləsuvar Rayon Telekommunikasiya Qovşağındakı vəzifəsində sınaq müddətində olub. 

İlkin Ağayevin işini məsuliyyətlə yerinə yetirən məsul şəxs olduğu bildirilib.

Xeberler.az olaraq etibarlı mənbədən əldə etdiyimiz məlumata görə, İlkin Ağayev bu vəzifəyə təyin olunmadan öncə iki ilə yaxın müddətdə Biləsuvar Rayon Telekommunikasiya Qovşağında çalışıb.

Qeyd edək ki, Aztelekom MMC-nin Biləsuvar Rayon Telekommunikasiya Qovşağının rəisi İlkin Mirilham oğlu Ağayev 1980-cı il aprelin 7-də Biləsuvar rayonunda anadan olub. 1997-2001-ci illərdə Azərbaycan Dövlət İqtisad Universitetinin iqtisadiyyatın hüquqi tənzimlənməsi ixtisası üzrə təhsil alıb. 

Sosial mediada, İlkin Ağayevin təmiz və vicdanlı məmur olması ilə bağlı məlumatlar paylaşılıb.

İntiharın səbəbi haqqında hələlik hər hansı bir rəsmi açıqlama verilmir.

Allah rəhmət eləsin!

 

Mirvari Nəcəf


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə