Azərbaycanın ikinci peykinin buraxılışı yenə təxirə salındı

02-07-2018 / 11:23

Azərbaycanın ikinci Azerspace-2/Intelsat 38 geostasionar peykinin yay üçün nəzərdə tutulan buraxılışı yenə təxirə salınıb.

Xeberler.az bildirir ki,  bu barədə peykin buraxılışı ilə məşğul "Arianespace” (Fransa) şirkəti bildirib.

Qeyd edək ki, daha əvvəl mayın 25-ə təyin olunmuş proses Hindistanın kosmik-tədqiqat təşkilatının GSAT-11 peykində aparılan texniki yoxlamalarla əlaqədar yay aylarına keçirilmişdi. Peykin buraxılışının sentyabrın 1-ci həftəsi üçün planlaşdırıldığı qeyd olunur.

Belə ki, peyk Cənubi Amerikanın şimal-şərqində yerləşən Kuru (Qviana Kosmik Mərkəzi) kosmodromundan Ariane 5 ECA raket daşıyıcısının köməyi ilə orbitə buraxılacaq.

Həmçinin, raket daşıyıcısı Azərbaycanın peykindən başqa, eyni vaxtda orbitə Hindistanın GSAT-11 rabitə peykini də çıxaracaq.

Azərbaycanın Azerspace-2/Intelsat 38 peykinin xidmət zonasına Avropa, Mərkəzi və Cənubi Asiya, Yaxın Şərq və Afrika ölkələri daxil olacaq.

Xeberler.az 


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.