Türksat - 4B orbitə göndəriləcək

15-10-2015 / 12:40

Türkiyənin Türksat-4B telekommunikasiya peyki oktyabrın 16-da Qazaxıstanın Baykonur kosmodromundan Proton-M raketdaşıyıcısı ilə kosmosa buraxılacaq.   

Xeberler.az xarici mətbuata istinadən bildirir ki, Türkiyənin Turksat Satellite Communication peyk operatorunun sifarişi ilə Yaponiyanın Mitsubishi Electric şirkəti tərəfindən istehsal edilən Türksat-4B kommersiya telekommunikasiya peykidir. Peyk Türkiyə daxil olmaqla qərbi Çin və şərqi İngiltərə ərazisinə, eləcə də Avropa, Yaxın Şərq və Orta Asiyanın bir hissəsinə telekommunikasiya və birbaşa televiziya yayımı xidmətləri göstərəcək.  

50º şərq uzunluğu orbital mövqeyində yerləşəcək və layihə üzrə istismar müddəti 30 il təşkil edən Türksat-4B çoxlu transponderlərlə təchiz edilib. 

Kosmik aparatın buraxılması ilə Türkiyənin kosmik rabitə sahəsində malik olduğu tutumları genişləndirmək, eləcə də əhatə zonasında xidmətlərin göstərilməsində etibarlığı artırmaq nəzərdə tutulur.

Çəkisi 4924 kq, transponderlərinin sayı 36 təşkil edən peyk yüksək elastikliyi, xidmət göstərdiyi zonada rabitə xidmətləri təqdim etmək üçün qoşulma və istifadəçilərə müxtəlif xidmətlər göstərmək imkanı ilə xarakterizə edilir.

 

Xeberler.az 


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə