Twitter-i hansı şirkət satın alır?

27-09-2016 / 15:31

Məlumat verdiyimiz ki, Twitter-in  İdarə heyəti üzvləri şirkətin bundan sonra necə davam edəcəyinə qərar vermə mərhələsində idi.

Şirkətin satılması da rəsmi müzakirəyə çıxarılmışdı.

Qeyd edilir ki, Twitter əsas hissələrini yox, hissə qiymətini təsir etməyən işlərini satmağı düşünür. Bununla şirkət  çalışanların işdən çıxardılma hallarını da azalda bilər.

Xarici mediada yayımlanan yeni məlumatlara görə, Twitter satış prosesini idarə olunması mövzusunda ABŞ-ın öndə gələn maliyyə qurumlarından  Goldman SachsAllen & Co.ilə razılaşma əldə edib.

Twitter-in talibləri də yavaş yavaş ortaya çıxmağa başlayıb.

Twitter-i satın alacağı danışılan firmalardan biri internetin nəhəng axtarış sistemi Google-dur.

Amma bununla bağlı Google cəbhəsindən rəsmi məlumat verilməyib.

Mövzuya yaxın başqa qaynaqlar isə rəsmi təklif etməmiş olsa da, Salesforce-un Twitter ilə ciddi olaraq maraqlandığını və satınalma ilə bağlı təklif təqdim edəcəyini deyir.

Twitter ilə maraqlanan bir digər firma isə Disney olub. Disney-in bu sahədə Twitter ilə belə ciddi maraqlanmasının səbəbi isə  Twitter-in qurucu ortağı Jack Dorsey-in hazırda Walt Disney Company-nin idarə heyəti üzvlərindən olmasıdır.  Bu da Disney-in Twitter-i alması mövzusunda daxildə güclü bir dəstəyin olduğunu göstərir.

Yəqin ki, Twitter-ə hələ çox  talib çıxa bilər.  Twitter-in yaxın zamanda satış xəbərini də sizlərlə paylaşacağı da görünür.

 Twitter-in bazar dəyəri bu gün təxminən 14 milyard dollardır.

 

Məltəm Talıbzadə


ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.