Vergilər Nazirliyi: Fiziki şəxslərin elektron qeydiyyatına başlanılacaq

29-03-2019 / 13:10

Son 3 ayda vergi qeydiyyatına alınan kommersiya hüquqi şəxslərin 81,3%-i elektron şəkildə müraciət edib. 

Xeberler.az  bildirir ki, bunu Vergilər Nazirliyinin Dövlət qeydiyyatı və uçota nəzarət departamentinin baş direktoru Ələkbər Məmmədov deyib.

Ə.Məmmədovun sözlərinə görə, ötən ilin sonunda bu rəqəm 69,8% olub: "Bu isə təxminən 11-12%-lik artım deməkdir".

Nazirlik rəsmisi yaxın günlərdə fiziki şəxslərin də elektron qeydiyyata alınacağını açıqlayıb:

"Artıq fiziki şəxslərin də elektron şəkildə qeydiyyata alınmasına başlamağı düşünürük. Bununla bağlı iş gedir. Fiziki şəxslər də FİN-kod və mobil identifikasiya vasitəsi ilə onlayn şəkildə qeydiyyata alınacaq".

Ə.Məmmədov Nazirliyin "Asan İmza" sertifikatlarının da elektron şəkildə verilməsinə hazırlaşdığını qeyd edib: "Artıq biz bu məsələnin üzərində işləyirik. Daha "Asan İmza" sertifikatları təkcə kağız formada deyil, həm də elektron şəkildə təqdim ediləcək. Həmçinin bu yolla elektron imza sahibləri onun müddətini də uzada biləcəklər".


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə