Vətəndaşların saatlarla növbə gözləməsinə Mərkəzi Poçtdan münasibət

12-11-2018 / 17:30

Bir neçə gün öncə Yeniavaz.com saytında "Mərkəzi Poçtda nə baş verir: insanları niyə bu qədər gözlədirlər?" sərlövhəli məqalə yayımlanmışdı. Yazıda 1 saylı poçt filialının "Şəbəkə" xidmət mərkəzində müəyyən günlərdə vətəndaşların saatlarla növbə gözlədikləri vurğulanırdı.

Xeberler.az  bildirir ki, Nəqliyyat, Rabitə və Yüksək Texnologiyalar Nazirliyinin 1 saylı poçt filialının "Şəbəkə" xidmət mərkəzi yazıda səsləndirilən məqamlara münasibət bildirib. Mərkəzdən göndərilən cavabda bildirilir: "Sizin "Mərkəzi Poçtda nə baş verir: insanları niyə bu qədər gözlədirlər?" başlıqlı məqalənizdə 1 saylı "Şəbəkə" xidmət mərkəzi ilə bağlı qeyd olunanlara aydınlıq gətirilməsi barədə "Azərpoçt" MMC-yə ünvanladığınız 22.10.2018-ci il tarixli müraciətiniz tərəfimizdən araşdırılmışdır. Bildiririk ki, Sizin növbə bildirişinizdə sıra nömrəsinin P-800 qeyd edilməsi əməliyyat günü ərzində 50-ci müştəri olduğunuzu göstərir. Belə ki, bağlama sahəsinin sıra nömrəsi 750-dən başlayır. Eyni zamanda nəzərinizə çatdırırıq ki, "Şəbəkə" xidmət mərkəzlərində növbə sıxlığının yaranmasına az-az hallarda təsadüf olunur".

1 saylı poçt filialının "Şəbəkə" xidmət mərkəzi daha sonra bildirir ki, müştəri məmnunluğunun tam şəkildə təmin olunması məqsədi ilə bu kimi halların tamamilə aradan qaldırılması istiqamətində tərəfimizdən işlər aparılır: "Məlumat üçün bildirək ki, "Şəbəkə" xidmət mərkəzlərində xidmətlərin göstərilmə səviyyəsinin müəyyənləşdirilməsi məqsədi ilə mütəmadi olaraq monitorinqlər keçirilir. Monitorinqlərin nəticələri təhlil olunaraq lazımi işlərin görülməsi iş planına daxil edilir və icrası növbəlilik prinsipləri əsasında təmin olunur. Eyni zamanda bildiririk ki, "Şəbəkə" xidmət mərkəzlərində bir sıra xidmətlərlə yanaşı, bank-maliyyə xidmətləri də göstərilir. Müştəri məmnunluğunun tam şəkildə təmin olunması məqsədi ilə bu kimi halların tamamilə aradan qaldırılması istiqamətində tərəfimizdən işlər aparılır".

Mərkəz buradakı ayaqyolundan vətəndaşların istifadəsinə icazə verilməməsi məsələsinə də münasibət bildirib: "Maliyyə təhlükəsizliyi nəzərə alınaraq, xidmət mərkəzlərinin sanitar qovşaqları müştərilərin istifadəsi üçün nəzərdə tutulmur. Qeyd edək ki, digər ölkələrin də bank sistemində bu qayda tətbiq olunur. Təkliflərinizə görə Sizə təşəkkür edirik. Xahiş edirik nəzərə alasınız".


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə