RƏQƏMSAL DÜNYA

Xalq Bank tam yenilənmiş www.xalqbank.az korporativ saytını istifadəyə verdi.

Bankdan Xeberler.az-a verilən məlumata görə, yeni sayt sınaqlardan keçərək müştərilərin istifadəsinə verilib.

Bankdan bildiriblər ki, saytın konseptinin əsasında müştərinin özünü filialdakı kimi hiss etdirəcək, tərəddüd edənlərə isə banka gəlib və oradan artıq müştəri qismində çıxmaq üçün yetəcək həcmdə məlumat verən korporativ informasiya portalının hazırlanması məqsədi dururdu.

Sayt öz istifadəçilərini bankın korporativ rəngləri, ciddi işgüzar üslubu və yüksək ixtisaslı personalı ilə qarşılayır.

Saytda bankın tarixi haqqında audio və video məzmun istifadəçi ilə vizual əlaqənin qurulmasına xidmət edir. Saytın interaktivliyi xidmət və məhsullar üzrə ərizə qəbulu, düşünülmüş qiymətləndirmə alətləri, onlayn konsultasiya, “Mənə zəng” və xəbərlərə abunə sistemləri ilə dəstəklənir. 

Yeni saytın strukturunda bankın təklifləri müştərilərin istək və məqsədləri - gündəlik bank xidmətləri, pul vəsaitlərinin qəbulu və artırılması əməliyyatları, korporativ xidmətlər və s. üzrə qruplaşdırılıb.

Saytda ağıllı axtarış, filtrasiya və qiymətləndirmə sistemləri müştəriyə vaxt itirmədən geniş məlumat əldə etmək və sərfəli məhsul, şərtlərə uyğun xidmətləri asanlıqla tapmağa imkan yaradır. Sorğuya uyğun olaraq sistem avtomatik şəkildə axtarış üçün aktual olmayan məlumatları filtrasiya edərək müştəriyə uyğun olan məhsulu təklif edir.

 Xeberler.az