Yaşayış yeri haqqında e-arayışı hansı qurum tanıyacaq?

16-04-2015 / 17:00

“Elektron hökumət” portalının operatoru Məlumat Hesablama Mərkəzi tərəfindən elektron arayışların verilməsi üzrə  sistem yaradılıb, amma vətəndaşlar bu sistemin məhsulu olan elektron arayışlardan faydalana bilməzlər”.

Azərbaycan İnternet Forumun prezidenti Osman Gündüz ötən gün Elektron portal üzərindən daha 4 e-arayışın  vətəndaşlarımızın istifadəyə verilməsinə münasibət bildirib.

Osman Gündüz qeyd edib ki, Məlumat Hesablama Mərkəzi tərəfindən arayışların elektron formada verilməsi ilə bağlı sistemin yaradılması təqdirəlayiqdir. Bu kifayət qədər ictimai-sosial əhəmiyyət kəsb edən xidmətdir və hamının, çox sayda insanların bu tip xidmətlərə ehtiyacı var.

Amma təəssüf ki, hələlik vətəndaşlar həmin e-arayışlardan istifadə edə bilməzlər: “Hansısa bir yerdə yaşayan vətəndaş portalda öz hesabına daxil olub özünün yaşayış məlumatlarını görür, çap edə bilir , hansısa quruma göndərə bilir və s. Lakin  onu hansısa bir dövlət qurumuna, təhsil müəssisəsinə və digər aidiyyatı qurumlara  verəndə qurum bunu hələlik tanımır”. 

Məsələn , bir müddət bundan öncə iş yerlərindən arayışlarla bağlı da müvafiq sistemlər hazırlanmışdır. Və bu arayışlar Portala qoşulan banklar tərəfindən sənəd olaraq tanınır və qəbul  edilirdi. Amma yaşayış yerindən e-arayışlar üçün bunu demək hələ tezdir.

Osman Gündüz hesab edir ki, bununla bağlı müəyyən hüquqi addımlar atılmalıdır: “Çünki qarşı tərəf bu arayışları tanımalıdır. Düşünürəm ki, bununla bağlı digər dövlət qurumları da təşəbbüs göstərməlidirlər. Öz sistemlərini elektron hökumət portalına qoşmalıdırlar. Adı çəkilən sistemə inteqrasiya olunmalıdırlar . Arayışların standart bir İD nömrəsi var. Əgər qurum təqdim olunan arayşıdakı həmin nömrəni sistemə daxil edərsə bunun həqiqi olduğunu asanlıqla müəyyən edə biləcək. Yəni dövlət qurumları öz sitemlərini elektron hökumət portalına elə qoşmalıdırlar ki, vətəndaşın  təqdim etdiyi arayışı görə bilsinlər”.

Osman Gnüdüz  qeyd edib ki, ümumiyyətllə son dövrlərdə ölkədə elektron hökumət quruculuğunun inkişaf tempi ilə onun hüququi əsaslarının yaradılması arasında uyğunsuzluq var. O, elektron hökumət quruculuğu sahəsində , xüsusilə də inteqrasiya və regional elektron xidmətlərlə bağlı  tənzimləmə məsələlərinə ciddi diqqət yetirilməsinin vacib olduğunu bildirib.  

Dünən "Elektron hökumət" portalının operatoru - Rabitə və Yüksək Texnologiyalar Nazirliyinin Məlumat Hesablama Mərkəzi tərəfindən daha 4 e-arayış- Rabitə xidmətlərinə görə borcun olmaması ilə bağlı arayış, yaşayış yeri haqqında, FİN-ə görə fərdi məlumatların axtarışı, diplom haqqında məlumatlar portal üzərindən vətəndaşlarımızın istifadəsinə verilib.

Ruhəngiz Muradova

 


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə