Bu arayışlar elektron formada olacaq- Siyahı

31-01-2015 / 15:17

“Elektron Hökumət” portalı üzərindən təqdim olunan elektron arayışların sayı tezliklə artacaq”.

Bunu Xeberler.az-a Rabitə və Yüksək Texnologiyalar Nazirliyinin Məlumat Hesablama Mərkəzinin şöbə müdiri İlqar Abdullayev bildirib.

Şöbə müdirinin sözlərinə görə, hazırda “Elektron hökumət” portalına 45 dövlət qurumu üzrə 405 e-xidmətin inteqrasiyası təmin edilib: “2013-cü ilin yanvarında 23 min 115 nəfər elektron xidmətlərdən yararlanmışdısa, 2015-ci ilin yanvarında bu rəqəm 1 milyon 137 min 975 nəfər olub. Vətəndaşlar tərəfindən elektron xidmәtlərә müraciət sayında 856 dəfə artım müşahidə olunub. Belə ki, elektron xidmәtlərә müraciət sayı 2013-cü ilin yanvarında 7 min 957 olubsa, 2014-cü ilin sonuna bu rəqəm 6 milyon 812 min 582 nəfər olub”.

İlqar Abdullayev qeyd edib ki, elektron imza “Elektron Hökumət”in açarı rolunu oynayır: “E-imza sertifikatları portala daxil olmaq üçün autentifikaasiya vasitəsi olmaqla bərabər, həm də sənədlərin imzalanmasında, bir çox e-xidmətlərdən istifadədə və ümumiyyətlə elektron sənəd dövtriyyəsində əvəzolunmaz yeganə vasitədir. Qeyd edək ki, MHM-in MSXM tərəfindən bu günədək vətəndaşlara, fiziki və hüquqi şəxslərə ~28 minədək elektron imza sertifikatları verilib”.

Şöbə müdirinin sözlərinə görə, vətəndaşlara daha çox lazım olan sosialyönümlü xidmətlərin elektronlaşması da həyata keçiriləcək: “Bu gün vətəndaşlar gündəlik həyatda sənədləşdirmə işləri üçün dövlət qurumlarından müxtəlif arayışların alınmasına böyük zaman sərf edirlər. Bunu nəzərə alaraq elektron hökumət portalında elektron arayışların alınması istiqamətində bir sıra tədbirlər həyata keçirilib. Yalnız 2014-cü ilin dekabr ayı ərzində vətəndaşlarımız tərəfindən 40 minə yaxın elektron arayış formalaşdırılıb.
Arayışlar əsasən istehlak kreditlərinin alınması üçün istifadə olunub. Vətəndaşlardan daxil olan sorğular nəzərə alınaraq, "Elektron Hökumət" portalı üzərindən təqdim olunan elektron arayışların sayı tezliklə artacaq və belə arayışların sırasına, yaşayış yeri barədə elektron arayışın verilməsi, diplom barədə elektron arayışın verilməsi, rabitə xidmət borcları olmaması barədə elektron arayışın verilməsi, kommunal xidmət borcları olmaması barədə elektron arayışın verilməsi, abituriyentin ali məktəbə daxil olması barədə elektron arayışın verilməsi, sağlamlıq barədə tibbi elektron arayışın verilməsi, pensiya kapitalı barədə elektron arayışın verilməsi, vətəndaşın adına olan avtonəqliyyat vasitəsi barədə elektron arayışın verilməsi əlavə olunacaq”.

Mirvari Nəcəf

 

 


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.