Yeni nəsil şəxsiyyət vəsiqələrilə xaricə getmək mümkün olacaq

11-04-2015 / 12:38

Azərbaycanda hazırlanacaq yeni nəsil şəxsiyyət vəsiqələri “İCAO” (International Civil Aviation Organization - Beynəlxalq Mülki Aviasiya Təşkilatı) standartına tam uyğundur.
 Həmin şəxsiyyət vəsiqələri ilə xarici ölkələrə də səfərlər etmək mümkündür.

Xəbərlər-in məlumatına görə, bu barədə Rabitə və Yüksək Texnologiyalar Nazirliyinin ( RYTN) Məlumat Hesablama Mərkəzi (MHM) tərəfindən “Elektron hökumət” quruculuğu, elektron xidmətlər, elektron imza, eləcə də İKT sahəsinə aid yerli və beynəlxalq xəbərləri ictimaiyyətə çatdırmaq məqsədi ilə dərc olunan növbəti bülleten ilə bağlı keçirilən brifinqdə  məlumat verilib.
 
Tədbirdə qeyd edilib ki, yeni nəsil şəxsiyyət vəsiqələri standartlara cavab versə də, onunla xarici ölkələrə getmək üçün dövlətlərarası razılaşma olmalıdır.
 
“Əgər dövlətlər arasında müqavilə bağlanarsa, yeni nəsil şəxsiyyət vəsiqələri ilə sərbəst formada sərhədi keçmək və xarici ölkə ərazisində gəzmək mümkündür” – deyə brifinqdə qeyd edilib.

Xatırladaq ki, Xəbərlər yeni nəsil şəxsiyyət vəsiqələrinin tətbiqini zəruri edən amillər  və bu vəsiqələrin  mövcud vəsiqələrdən  fərqli xüsusiyyətləri barədə bir müddət  öncə geniş və ətraflı məlumat vermişdi.

Oxucular bu barədə daha ətraflı məlumatları aşağdakı linkimizdən əldə edə bilərlər:

http://xeberler.az/new/details/%C2%A0yeni-sexsiyyet-vesiqesini-ne-zaman-alacagiq--8945.htm

Məltəm Talıbzadə

 


  


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə