İNNOVASİYA VƏ STARTAP

“Müraciət edən startap layihələri çox uğurludur”

“Startap Laboratoriyasında çalışmaq üçün bu günə qədər 140 layihə müraciət edib”.

Bu barədə Baku Bizness Factory -nin (BBF)  direktoru Əlövsət  Müslümov Xeberler.az-a açıqlamasında bildirib.

Onun sözlərinə görə, müraciət edən satartap layihələri arasında həm yerli bazarda, həm də qlobal bazarda fəaliyyət gösətrə biləcək çox uğurlu startaplar yer alıb:

“Laboratoriyamıza ünvalanan layihələrin əksəriyyəti  yeniliklər, fərdi yanaşmalar təklif edir. Həmçinin bu layihələrin fəaliyyətində  çox sadə həll yolları var. Ümumiyyətlə , müraciət edən layihələrdə gələcək fəaliyyətləri və inkişafları üçün xüsusi potensial  görürük. Bəzi layihələr ölkədən kənarda da fəaliyyət göstərməyə hazırlaşır”.

Direktor qeyd edib ki, startap layihələri üçün Mərkəzi daha geniş dəstək proqramı hazırlayıb:

“Startap laboratoriyasında  daha geniş dəstək proqramı nəzərdə tutulur. Buraya seçilən bütün startaplar Mərkəzin ofis ve texniki imkanlarından istifadə edə bilməklə yanaşı, təşkilatdan mentorluq xidməti, davamlı investisiya, təlimlərdə iştirak imkanı da əldə edəcəklər. Mərkəzimizdə öz layihəsini uğurla biznesə çevirən layihələrin   dünya bazarına çıxmasına  dəstək göstərəcəyik”.

Əlövsət Müslümov  bildirib ki, Startap Laboratoriyası  sentyabrdan fəaliyyətə başlayıb və bu gün də  startapların  müraciətlərini qəbul  edir:

“Gənclər Mərkəzimizə çox böyük maraq göstərir. Açığını deyim ki, bizim gözlədiyimizdən də böyük maraq müşahidə edirik”.

O qeyd edib ki, BBF-in Kovorkinq mərkəzində hazırda  13 layihə üzrə 26 nəfər çalışır:

“Kovorkinq  Mərkəzinə  bu günə qədər  130 müraciət daxil olub. Onlardan 13 layihə Mərkəzdə fəaliyyət göstərmək hüququ əldə edib”.

Əlövsət Müslümov deyib ki, bütün layihələr  Mərkəzin xidmətlərindən ödənişsiz istiafadə edə bilir:

“Hazırda da müraciətlər davam edir. Mərkəzimiz tərəfindən layihələr araşdırılır.  Potensial görə bildiyimiz layihələri Kovorkinq-ə qəbul edirik. Uğurlu layihələrə həmişə dəstək olacağıq”.

Məltəm Talıbzadə