Cari ilin üçüncü rübündə planşet kompüterlərin dünya üzrə satış həcmi ötən rüblə müqayisədə 7 faiz artaraq 47,6 milyona çatıb.
Nəticə tədqiqat şirkəti nümayəndələrinin proqnozlarından bir qədər aşağı olub. 2012-ci ilin üçüncü rübünə nisbətdə göstərici 36,7 faiz artıb.
“IDC”-nin məlumatına görə, bazarda aparıcı mövqeyi “Android” əməliyyat sisteminin idarəetməsi ilə işləyən qurğular tutub.
ABŞ-ın “Apple” şirkəti dünyanın nəhəng planşet istehsalçıları arasında lider olaraq qalır. Lakin şirkətin nə ikinci, nə də üçüncü rübdə bazara yeni qurğu çıxarmaması səbəbindən “iPad” modelinin tədarükündə ötən illə müqayisədə cüzi artım qeydə alınıb.
Bununla yanaşı, ABŞ istehsalçısının bazar payı 29,6 faizlik tarixi minimuma enib. 2012-ci ilin sonunda “Apple” yeni qurğuların təqdimatının dördüncü rübə keçirilməsi ilə bağlı qərar qəbul edib. Bu səbəbdən “IDC” ekspertləri ilin sonunda yeni “iPad Air” planşetinin və "iPad mini” modelinin yenilənmiş versiyasının buraxılmasından sonra şirkətin satışının artım tempinin sürətlə artacağını gözləyirlər. Reytinqdə ikinci yeri Cənubi Koreyanın “Samsung”, üçüncünü “Nexus 7” planşet istehsalçısı “Asus” şirkətləri tutub. (ictnews.az)
Televiziyaların reytinqini kim ölçür, necə ölçür və nəticələr ağlabatan olacaqmı?
Nazirlik inkubasiya mərkəzlərini niyə topladı? –Şərh
Windows 10-u necə sürətləndirmək olar?
Bizi idarə edən güc: Netokratiya
Tor: şəbəkənin nəzarətindən azad olmaq imkanı
Facebook müəmması
4G mobil texnologiyası niyə ləngiyir?
Rəqəmli yayım: mərkəzdən kənarda yaşayanlar nə etsin?
“Asan imzanı belə gördüm”- Azər Həsrət
Satışa çıxarılmış Azərbaycan adları