Smartfonların satış həcmi artıb

19-11-2015 / 10:07

Gartner tədqiqat şirkətinin hesabatına əsasən, 2015-ci ilin üçüncü rübünün nəticəsinə görə, dünyada satılmış smartfonların sayı ötən ilin müvafiq rübünün göstəricisi ilə müqayisədə 15 faiz artaraq 353 milyon təşkil edib.

Xeberler.az RYTN-nin saytına istinadən  məlumat verir ki,  analitiklərin fikrincə, inkişaf etməkdə olan ölkələrdə ucuz smartfonlara tələbatın yüksəlməsi artımın hərəkətverici qüvvəsi olub. Bu regionlarda satış həcmi 18,4 faiz artaraq 259,7 milyon təşkil edib, halbuki inkişaf etmiş ölkələrin bazarında yalnız 8,2 faiz artım qeydə alınıb.

23,7 faiz bazar payına malik Samsung şirkəti smartfon bazarında liderdir. 13,1 faiz bazar payına sahib Apple korporasiyası ikinci pilləni tutub.

Çinin Huawei şirkəti satış həcminin artımına görə lider olub.

Əməliyyat sistemlərinə (ƏS) gəlincə, 84,7 faiz bazar payına malik Android mobil ƏS-i liderlik edir. iOS-un payı 13,1 faizdir. 1,7 faiz göstəriciyə malik Windows üçüncü pilləni tutub.

Xeberler.az
  


ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.