2010-cu ildə Qlobal şəbəkədə 107 trilyon email göndərilib

19-01-2011 / 11:23

Xeberler.az portalının Rabitə və İnformasiya nazirliyinin rəsmi internet saytına istinadən verdiyi xəbərə görə, pingdom veb-monitorinq şirkətinin təqdim etdiyi hesabata əsasən 2010-cu ildə Qlobal şəbəkədə 107 trilyon email göndərilib.

Hesabatda qeyd edilir ki, 2010-cu ildə Qlobal şəbəkədə 1,97 milyarda yaxın internet istifadəçisi fəaliyyət göstərib. Hər gün orta hesabla 294 milyard elektron məktub göndərilib, onların təqribən 89 faizi spamdır. Ümumilikdə, dünyada 2,9 milyon elektron poçt ünvanı və 152 milyon bloq qeydiyyatdan keçib. Hesabatda həmçinin qeyd edilir ki, 2010-cu ildə şəbəkədə 255 milyon sayt fəaliyyət göstərib. 2009-cu ilin nəticəsi ilə müqayisədə bu göstərici 21,4 milyon çoxdur. Qeyd edək ki, Netcraft analitik şirkətinin məlumatına əsasən 2010-cu ilin sonunda şəbəkədə 273,3 milyona yaxın sayt fəaliyyət göstərib. Pingdom analitik şirkətinin məlumatında bildirilir ki, .com domen zonasında təqribən 88 milyon, .net zonasında 13,2 milyon, .org zonasında 8,6 milyon, milli domen zonalarında isə (ru, de, fr, cn və başqalarında) 79,2 milyon domen adı qeydiyyatdan keçib.

 Şirkətin hesabatında ilk dəfə olaraq, Twitter və Facebook servisləri haqqında da statistik məlumatlar öz əksini tapıb. Belə ki, hesabatda bildirilir ki, Facebook sosial şəbəkəsində il ərzində 250 milyon, Twitter servisində isə 100 milyon yeni istifadəçi adı qeydiyyatdan keçib.


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.