TƏHLÜKƏSİZLİK

Gələn qutunuzu dolduran istənməyən e-poçtların böyük bir qisminin arxasında botnet adı verilən qeyri-qanuni sistemlər durur. Botnetlər fərdi kompüterləri  ələ keçirib zombi maşına çevirdikdən sonra istənməyən e-poçt göndərmək və ya böyük sistemlərə hücumlar etmək üçün istifadə edir.

Botnetlər  sanki virtual dünyanın mafiyaları kimi işləyirlər. Viruslarla yayılırlar və günahsız ev istifadəçilərinin kompüterlərini bir kölə kimi istifadə edib, qaranlıq məqsədlərinə alət edirlər.

FireEye adlı təhlükəsizlik firmasında çalışan  vəzifəli 3 mütəxəssis dünyanın ən təhlükəli 10 botnetin biri olan  Mega-D-yi  2 illik əmək nəticəsində məhv edə bildilər. Bu botnet  250 min kompüteri  əsir almışdır. İlk olaraq zombi kompüterlərin xəbərləşdikləri ana serverləri təsbit etdilər.

Bu serverlərin böyük  bir qisminin ABŞ-da, bir dənəsinin İsraildə və bir dənəsinin də Türkiyədə olduğu təsbit edilib. İsrail və Türkiyədəki serverləri xidmət təmin edicilərin icazəsi olmadığı üçün  bağladılmayıb. ABŞ-dakı serverlər isə tamamilə bağladılıb.

Bundan sonra mütəxəssislər botnetin xəbərləşmək üçün istifadə etdiyi sahə adlarının tək-tək bağlanılmasını təmin ediblər. Bu böyük əməliyyatdan sonra Mega-D qaynaqlı istənməyən e-poçtlar 99% nisbətində azalıb.

Lakin mütəxəssislər botnet sahiblərinin asan pul qazanmaq üçün yenidən bir zombi kompüter  ordusu yaratmasından  qorxur. FireEye-də mütəxəssislər lazım olsa Mega-D-yi  bir dəfə də  yıxa bilərik deyirlər.