Android-də bu şəbəkə ləğv edildi

29-08-2017 / 11:21

Akamai, Flashpoint, Cloudflare, Oracle Dyn, RiskIQ və Team Cymru şirkətlərindən olan təhlükəsizlik mütəxəssislərinin ümumi səyi nəticəsində Android qurğularından yaradılmış WireX adlı böyük botneti ləğv ediblər.

Botnet şəbəkə müxtəlif sahələrə (mehmanxana və oyun biznesi, porno sənayesi, həmçinin domen adları registratorlarına) DDoS hücumların həyata keçirilməsində istifadə edilib.

Xeberler.az NRYTN-in elektron xəbər xidmətinə istinadən məlumat verir ki, bu təhlükə haqda bir neçə gün əvvəl xəbər tutmuş Google şirkəti Play Store proqramlar mağazasını zərərverici proqram təminatının mövcudluğu üzrə yoxlayıb.

Bunun nəticəsi kimi hakerlər tərəfindən Android sistemi ilə işləyən qurğuları yoluxduraraq onları botnet şəbəkəsinə birləşdirən 300 proqram proqramlar mağazasından silinib. Yoluxmuş qurğuların dəqiq sayı açıqlanmır.

2 avqust 2017-ci il tarixində peyda olmuş WireX botneti avqustun 15-dək nəzərə çarpmayıb. Bundan sonra mütəxəssislər aşkar ediblər ki, botnet şəbəkəsi uzunmüddətli DDoS hücumlarda istifadə edilib. Bəzi hallarda hücumlarda 100-dən çox ölkədə 70 minədək IP ünvan istifadə edilib.

Xeberler.az


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.