AZNET

  Türk dilinin zəngin xəzinəsi, 4 min səhifəlik nəhəng bir lüğətdə bir araya gətirilir. Türkiyə Dil Qurumunun (TDQ) hazırladığı və 570 min 723 sözün yer aldığı edəcəyi "Böyük Türkcə Lüğət"in bu ilin sonuna qədər nəşr olunması gözlənilir.

  Qaynar.info-nun Türkiyə mətbuatına istinadən verdiyi xəbərə görə, "Böyük Türkcə Lüğət"də  həmçinin elm və sənət terminlərindən tutmuş yer adlarına qədər, o cümlədən bütün türk ləhcələrindən sözlər yer alacaq.

  TDQ sədri prof. Dr. Şükrü Haluk Akalın nəhəng lüğətin əmələgəlmə ideyasını belə izah edib: "TDQ "Aktual Türkcə Lüğət"i yayımlayandan və internet versiyasını da istifadəyə verəndən sonra,  vətəndaşlarımız burada hər cür sözcüyü, məsələn adlarının mənasını və ya bölgələrində istifadə etdikləri yerli sözləri axtarmağa başladılar. Məhkəmədə bir kağız alan vətəndaş, o kağızda rastlandığı bir hüquq terminini burada axtarırdı. Ayrıca, deyimlər, atalar sözləri axtarılırdı. İnsanlar qarşılarına çıxan hər sözü araya biləcəkləri bir lüğətə müraciət etmək istəyirdilər.

  Bir terminin hüquq termini lüğətindəmi, yoxsa ticarət terminləri lüğətindəmi tapa biləcəklərini təyin edə bilmirdilər. Bunun üçün biz əvvəlcə "Böyük Türkcə Lüğət" adıyla virtual mühitdə lüğətimizi istifadəyə verdik. İndi isə onun bir kitab kimi nəşrinin zamanı gəlib".

  Bu nəhəng işin Türk dilinin "qısaldılmamış tam lüğəti" olacağına bildirən Akalın, "Türkiyədə illərdir bunun üçün işlər görülürdü. Bu lüğət, Türkcənin bir söz xəzinəsidir"- deyə açıqlama verib. www.qaynar.info

xeberler.az/Ellada