AZNET

Heç kəsə sirr deyil ki, amerikalılar praqmatikdirlər. Məhz bu xüsusiyyət hər beş amerikalıdan birini televiziya verilişlərinə kompüter vasitəsilə baxmağa məcbur edir. Bu məlumatları Nyu-Yorkda “Konferens bord” tədqiqat təşkilatı verdi.
Itar-Tassın məlumatına görə, mütəxxəssislər verilişlərə onlaynla baxmağın bir sıra səbəblərini izah edir. Əksər insanlar verilişə baxmağın “formatını” ona görə dəyişiblər ki, bəzən proqramın və ya serialın müəyyən vaxtını gözləmək  onlara sərf etmir. Buna görə də, baxmaq istədikləri verilişləri özləri üçün uyğun olan vaxtda internetdən yükləyib rahat izləyə bilirlər.
“Konferens bord”-un təqdqiqatlarında iştirak edənlərin 43 faizi, yəni 10 min ailə üstünlüyü xəbərlər proqramına verir. 39% onlayn tamaşaçı seriala, 34% komediya-şoulara, 23% realiti-şoulara, 16% idman proqramlarına baxır. Tamaşaçıların 90 faizi ev şəraitində verilişlərə kompüterlə baxır. 15 faizi işdə, 5 faizi isə digər yerlərdə, eləcə də kitabxanada baxır.
2006-cı illə müqayisədə bu il İnternetlə verilişə baxanların sayı iki dəfə artıb. “Bu, texnikanın təklif etdiyi imkanların genişlənməsi ilə əlaqədardır. Əgər əvvəllər tele-proqramlara yalnız televizorla və ya nadir hallarda kompüterlə baxmaq mümkün idisə, indi artıq buna mobil telefon vasitəsilə də nail olmaq olar”. - “Konferens bord” təşkilatının təmsilçisi Maykl Sakson bəyan etdi.