Azərbaycan və Qazaxıstan mütəxəssisləri birgə layihələr hazırlayacaq

20-10-2015 / 17:24

Azərkosmos ASC-nin Bakı ofisində Qazaxıstanın Qarış Saparı şirkətinin nümayəndələri ilə görüş keçirilib.

Xeberler.az bildirir ki, görüşdə şirkət nümayəndəsinə Azərkosmos ASC, Azerspace-1 peyki və onun texniki xüsusiyyətləri, Azersky peykinin tətbiq sahələri və Azərbaycanın 2017-ci ildə orbitə çıxaracağı ikinci telekommunikasiya peyki haqqında  ətraflı məlumat verilib.

Qeyd edək ki, Qarış Saparı  şirkəti Qazaxıstan Respublikasının dövlət sərəncamına əsasən 2005-ci ildə  kosmik sahənin inkişaf etdirilməsi, bu sahədə kosmik əməliyyatların aparılması məqsədilə  yaradılıb. Eyni zamanda, kosmik layihələrin üçün texniki avadanlıqların  istehsalı, orbitə buraxılması və bu kimi texnoloji proseslərin həyata keçirilməsi şirkətin fəaliyyətinə aiddir.

İkitərəfli əməkdaşlıq çərçivəsində keçirilmiş görüşdə Azərbaycan və Qazaxıstan  mütəxəssislərinin birgə layihələrinin  təşkil olunması, Yer səthinin məsafədən müşahidə peyki Azersky-ın imkanlarından birgə istifadəyə  dair müzakirələr aparılıb.

 

Xeberler.az


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.