TEXNOLOGİYA

Azərbaycanda ilk dəfə  tibb sahəsində Virtual Cərahiyyə layihəsi tətbiq edilir.

Xeberler.az-ın məlumatına görə, layihə Tibb Universitetində həyata keçirilir.

Universitetin professoru Çingiz Rəhimovun sözlərinə görə, üzdə aparılan rekonstruktiv cərarahi əməliyyatlara funkisonal və estetik tələblər qoyulur:

“Son zamanlar sayı yüksələn travmatik zədələnmələr və şiş xəstəliklərin radikal cərrahi müalicəsi bu sahəyə təlabatı xeyli artırır. Bu nahiyyədə, mürəkkəb anatomik qurluşu nəzərə alsaq, cərrahi əməliyyatın müvəffəqiyyati onun yüksək dəqiqliyi ilə keçirilməsindən, mümkün qədər qısa müddətdə və sağlam toxumları zədələmədən aparılmasından asılıdır”.

O bildirib ki, kompüter texnologiyaları bu məqamda cərrahların köməyinə gəlir. Belə ki, ölkəmizdə təqdim edilən metodika dünya təcrübəsində ilk dəfə rekonstruktiv cərrahiyyədə aparılır.

Professor qeyd edib ki, rəqəmli texnologiyaların son naliyyəti olan artırılmış reallıq eynəklərə və onlar tərəfindən hazırlanan xüsusi proqram təminatı ilə cərrahi əməliyyatda yüksək dəqiqlik əldə edilir:

“Bunun sayəsində əməliyyat vaxtı xeyli azaldılır, toxumların zədələnməsi minimuma endirilr. Eləcə də yüksək funksional və estetik nəticə əldə edilir”.

Onun sözlərinə görə, bu metodika paralel olaraq hazırda ABŞ, Böyük Britaniya, Çində tibbin digər sahələrində tətbiq edilməyə başlayıb.

Layihəyə Nəqliyyat, Rabitə və Yüksək Texnologiyalar Nazirliyi də dəstək verir.

Məltəm Talıbzadə